Culpabiliza ao BNG e XViveiro de tal situación, pois son responsables de aupar a unha candidata que non gañou as eleccións e está a incumprir os acordos cos clubs
Viveiro, 28 de novembro de 2023. O PP de Viveiro acusa ao bipartito “de deixar tirado” ao deporte e ao asociacionismo “por unha inaudita falla de previsión e manexo das prioridades económicas”. A voceira do Grupo Municipal de Viveiro, Mariña Gueimunde, atribúe á rexedora socialista “unha absoluta falta de sensibilidade neste senso” e tilda de “escusas de mal pagadora” todo o argumentario esgrimido para “xustificar o inxustificable”. “Iso que cualifica como pagos sobrevidos non é outra cousa que un despilfarro económico sen precedentes para un Concello ó borde da quebra. Dilapida en propaganda e no superfluo. É un verdadeiro escándalo!”, exclama.
SEN MANTEMENTO DURANTE 20 ANOS
Gueimunde advirte así do abandono e do desinterese que os gobernos socialistas lles prestaron ao deporte local. “As instalacións deportivas están nunha situación calamitosa por unha absoluta falla de mantemento nestes vinte anos” e detalla: o pavillón municipal, con goteiras, pide a gritos un renovado teito; o campo de fútbol Marcos Gómez, sen auga quente suficiente para os numerosos nenos que practican deporte e cunhas instalacións que non recibiron en anos nin un só euro de inversións; a piscina municipal padece numerosas deficiencias sobra as que os usuarios non deixan de trasladar queixas; as de Lavandeiras infrautilizadas por no ter uns vestiarios a pesares de que a Xunta de Galicia lle concedeu o pasado ano unha axuda para elo que se perdeu; o campo de Cantarrana segue coa herba rodeado por un muro que é un auténtico perigo.., e, con todo, a socialista atrévese a dicirlles aos clubs que llelas deixas gratis”. Por todo elo, a popular considera que esta situación “só se pode cualificar de máis que lamentable É un desbaraxuste e un caos todo o que ten que ver co deporte. Non hai por onde collelo”, advirte.
ONDE ESTÁ O BNG E XVIVEIRO?
Mariña Gueimunde pregúntase onde están os socios que a auparon, malia que as urnas non lle deron a vitoria. “O BNG, que vía fondos para catro dedicacións exclusivas, non di nada de que un Concello sen escolas deportivas municipais e que deixou todo o deporte base en mans de clubes privados, non cumpra cos compromisos económicos adquiridos para asegurar a súa viabilidade, cargando nos petos das familias uns contiosos aumentos de cota que permitan aos seus fillos seguir practicando deporte. Non cabe maior desigualdade para un goberno que vai de progresista”, di.
A este respecto, non dubida en responsabilizar tamén a XViveiro desta situación. “Na súa man tivo non dar continuidade a todo este desastre que xa se sabía e do que nin se fala no famoso acordo. É triste dar un apoio explícito a esta indolencia e despreocupación ante o incumprimento dos compromisos económicos adquiridos con clubs e asociacións que contribúen con moito esforzo e sacrificio persoal a prestar un servizo que debería de ser unha prioridade municipal”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
