O conselleiro de Cultura, Román Rodríguez; o presidente da Academia Xacobea, Xesús Palmou, e o alcalde de Ribadeo, Daniel Vega, clausurarán as Xornadas mañá, domingo 3, ás 14.30 horas
Ribadeo. Sabado, 2 de decembro de 2023. Os participantes nas Xornadas Mar por Medio gozaron este sábado en Ribadeo dun variado programa de actividades no que houbo tempo para mergullarse nas paisaxes, a literatura e os sabores do Camiño de Santiago, coñecer as vantaxes da dieta atlántica e gozar da gastronomía e o patrimonio da zona. O director do Instituto de Biodiversidade Agraria e Desenvolvemento Rural da USC, Pablo Ramil, e a catedrática de Historia Medieval da Universidade de León, Gregoria Cavero, abriron o programa do día con senllas conferencias no auditorio Hernán Naval. A continuación, os participantes nas Xornadas desprazáronse ao centro sociocomunitario da capital ribadense para seguir as intervencións de Rosaura Leis, catedrática de Pediatría da USC, presidenta da Fundación Española da Nutrición e coordinadora da Unidade de Gastroenterología, Hepatología e Nutrición Pediátrica do Hospital Clínico Universitario de Santiago, e de Javier Gómez-Montero, catedrático de Literaturas Románicas da Universidade de Kiel, e para coñecer e degustar a cociña de Antonio Botana, responsable do restaurante Ramonita e integrante do Grupo Nove.
Os actos trasladáronse despois ao Santuario de Nosa Señora das Virtudes, na Ponte (Arante), monumento ligado ao Camiño do Norte. Tras unha visita guiada, Celia Castro Fernández, catedrática de Historia da arte da Escola de Arte Superior de Deseño Ramón Falcón, falou dalgúns dos tesouros artísticos da Catedral de Mondoñedo.
Última xornada
As XVIII Xornadas Mar por Medio organizadas pola Academia Xacobea coa colaboración do Concello de Ribadeo, a Xunta de Galicia, a Deputación de Lugo e a Universidade de Santiago de Compostela concluirán mañá, domingo 3, no auditorio Hernán Naval coas últimas intervencións do programa a cargo da xornalista e divulgadora da artesanía galega Elena Goyanes, o catedrático de Análise Xeográfica Rexional da USC, Rubén Lois; o presidente da Asociación de Periodistas e Estudosos do Camiño de Santiago, Xosé María García Palmeiro, e o profesor emérito do Queen’s College da Universidade de Oxford, John Rutherford. A continuación, ás 14.30 horas, celebrarase a clausura oficial, na que intervirán o alcalde de Ribadeo, Daniel Vega; o presidente da Academia Xacobea, Xesús Palmou, e o conselleiro de Cultura, Educación, Formación Profesional e Universidades, Román Rodríguez.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
