Foz, 7 Decembro, 2023. Segundo a información facilitada ao 112 Galicia pola Policía Local, un total de sete persoas necesitaron asistencia médica esta tarde ao experimentar síntomas compatibles cunha intoxicación por monóxido de carbono.
Ocorreu nun domicilio na Avenida Ollo do Mar, no concello lucense de Foz, onde os bombeiros puideron comprobar como a mala combustión dun braseiro provocou a acumulación suficiente de monóxido como para provocar mareos a sete das nove persoas que estaban no interior da vivenda no momento dos feitos.
Os afectados foron valorados polo persoal de urxencias sanitarias no punto e logo evacuados ao centro hospitalario de referencia. Tres cativos e un adulto tiveron que ser trasladados en ambulancia mentres que as outras persoas foron evacuadas por particulares ao hospital.
O 112 Galicia tivo constancia do suceso ao recibir a chamada de alerta dun particular preto das seis horas da tarde de hoxe. De inicio, o alertador solicitaba asistencia para os menores, acometidos por un malestar compatible cunha intoxicación por monóxido de carbono.
De inmediato, os xestores do 112 pasaron aviso aos profesionais de Urxencias Sanitarias de Galicia-061, aos Bombeiros de Barreiros e ao GES de Cervo.
Unha vez no lugar, os equipos de intervención confirmaron que as medicións correspondentes resultaron positivas. Deste xeito, procederon a ventilar o inmoble e volveron comprobar os niveis para determinar a mellora da calidade do aire.
Cómpre sinalar que desde o 112 Galicia avisouse tamén aos axentes da Policía Local e aos membros de Protección Civil da localidade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
