O Grupo Municipal Popular lamenta que a alcaldesa de Burela “antepoña os intereses dunha empresa privada aos dos veciños e veciñas da nosa vila”
Burela, 13 de decembro de 2023. O Grupo Municipal Popular lamenta que a alcaldesa de Burela “antepoña os intereses dunha empresa privada aos dos veciños e veciñas da nosa vila”. Así o manifestan os populares trala celebración dun pleno extraordinario no que o goberno bipartito (PSOE-BNG) acordou conceder unha prórroga anticipada á actual concesionaria do servizo de abastecemento de auga e saneamento de Burela, en lugar de sacar un concurso público.
Os populares condenan esta decisión porque “prexudica claramente ao Concello de Burela; xa que o canon que está a abonar a concesionaria é moi inferior ao que están a abonar en concellos da zona con características similares que si renovaron recentemente o contrato da prestación deste servizo”.
Concretamente, os concelleiros do PP advirten que “o Concello deixa de percibir -en comparación cos últimos contratos adxudicados na zona para concellos de similares características- arredor de 140.000 euros con respecto ao que percibe na actualidade polo canon do servizo”. E, para os populares, “é unha mágoa que pola incapacidade deste bipartito, Burela non dispoña dese diñeiro que podería reverter en beneficio de Burela e os nosos veciños como por exemplo nas asociacións, nas familias en risco de exclusión social, na RPT do Concello, etc.”.
Dende o PP explican, ademais, que “ao non sacar novo concurso público o goberno local non se ve capaz de marcar as obras que debe executar a actual concesionaria á que se lle renovou o contrato, algo que se podería facer a través dun novo concurso público ao que puideran concorrer múltiples empresas”.
“A falta de previsión para sacar a tempo un concurso público que sería o máis vantaxoso para a nosa vila e, ademais, tamén o máis transparente, deixa unha vez máis en entredito ao goberno bipartito de Burela”, consideran os populares que, ademais, condenan “o posicionamento do BNG”. Os nacionalistas “pasaron de defender fai uns meses a municipalización do servizo no seu programa electoral a defender agora unha empresa de gran capital para a renovación deste servizo básico para Burela”.
NOVOS ERROS NA DOCUMENTACIÓN QUE ASINA A ALCALDESA
Os populares condenan tamén, unha vez máis, “a asombrosa falta de capacidade de traballo” do goberno bipartito como demostra o feito de “ser a enésima vez que o bipartito leva a pleno unha proposta de alcaldía que contiña erros: citaba ordes que non existen”. E custoulles moito facer os cambios requiridos ante as advertencias do Grupo Municipal Popular.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
