A alcaldesa de Burela, Carmela López, explica que un dos motivos para asinar de novo un contrato con Espina & Delfín para os vindeiros 5 anos é a previsible construción da nova estación depuradora
Burela, 13 de decembro de 2023. O Concello de Burela aprobou no pleno municipal, co voto a favor do PSdeG-PSOE e do BNG, a renovación do contrato do servizo de augas coa empresa Espina & Delfín por 5 anos máis.
A alcaldesa de Burela, Carmela López, explica que un dos motivos de asinar de novo o contrato con Espina & Delfín para os vindeiros 5 anos é a previsible construción da nova EDAR, “como acredita a licitación nº OH.727.689 de Augas de Galicia, xa que a existente está totalmente obsoleta”.
“Levamos dende 2015 loitando por isto, e entendemos que ao longo destes 5 anos de prórroga do servizo debería comezar a obra, xa que depende de fondos europeos que probablemente se perdan de non ser gastados” explica a rexedora.
Ademais, o concelleiro de Obras, Ramiro Fernández Rey, explica que o Concello incorporarase aos fondos PERTE (Proxectos Estratéxicos para a Recuperación e Transformación Económica), o que “suporá máis de 1.300.000€ de inversión”.
“Entendemos que o servizo tería unha mellora importante e sería beneficioso para toda a veciñanza de Burela, permitindo ter un maior control sobre a auga que gastamos e mellorando o servizo”, sinala o concelleiro.
“Esta renovación tamén supón que a empresa terá que facer unha inversión, pagándonos un canon que ronda os 330.000€, cantidade que queremos empregar nunha serie de obras que xa temos estudadas para continuar a mellorar o servizo de augas”, explica Fernández Rey.
O concelleiro sinala que o servizo que agora se renova “está funcionando ben, é moi apreciado pola veciñanza e soluciona os problemas cando van aparecendo”.
“Somos, ademais, un dos concellos de Galicia que menos perdas de auga ten na rede superando o 80 % de eficiencia, gracias as obras e melloras feitas nos últimos anos”, destaca Fernández Rey.
“Moi poucos Concellos poden acadar estes datos, e o obxetivo con estas inversións é o de seguir mellorando neste senso”, engade o responsable de Obras. “Tal como está a situación co cambio climatico, e como se demostrou nestes últimos veráns, a auga vai ser un ben moi preciado, e non podemos permitir que se perda nin unha gota”, continúa.
“Burela é un referente neste eido gracias ó traballo feito polo Concello e a concesionaria”, conclúe Fernández Rey, polo que “o novo contrato con Espina & Delfín vai seguir tendo os mesmos termos que o anterior”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
