Foz, 15 de decembro de 2023. O alcalde de Foz, Fran Cajoto, responde ás últimas declaracións do deputado autonómico do Partido Popular José Manuel Balseiro sobre a nova depuradora para Foz explicando que “se Augas de Galicia afirma que asinarán a acta de replanteo e que comezarán as obras no vindeiro mes de xaneiro e Balseiro di que non poden facelo algún dos dous minte”.
Como “disparate sorprendente” cualificou o alcalde de Foz as últimas declaracións do deputado autonómico do Partido Popular José Manuel Balseiro. E Fran Cajoto detalla que “o Concello de Foz rematou as expropiacións para a nova depuradora o 4 de xullo deste ano 2023. Nesa data o Concello transferiu á Caixa Xeral de Depósitos os importes totais da valoración das distintas fincas. Polo tanto o señor Balseiro está completamente errado, minte ou lle menten no partido descaradamente”.
Cajoto engade: “o 20 de outubro deste ano 2023 recibimos no Concello de Foz un escrito do director do contrato da depuradora, Jean Pierre Blanco Menéndez (Augas de Galicia) no que se remite o proxecto construtivo redactado pola UTE Espina y Delfín SL e Construcciones y Canalizaciones José Saá SL e supervisado e aprobado por Augas de Galicia. Nese documento requíresenos que enviemos a documentación relativa á disposición dos terreos para poder asinar a acta de replanteo e comezar as obras, trámite que realizamos o 8 de novembro deste ano 2023 ás 12:18 horas”.
“Despois de sete anos de retraso de Augas de Galicia o señor Balseiro bótalle a culpa ao Concello de Foz. Tamén a podería ter o chachachá, a Xunta desde logo que non”, ironiza o alcalde, quen engade: “este xoves, día 14, Augas de Galicia por vía telefónica indícanos que asinará a acta de replanteo coa UTE na segunda quincena do mes de xaneiro do vindeiro ano 2024. E agora lemos isto que di Balseiro, unha nota de prensa que é un auténtico disparate”.
Fran Cajoto considera que unha posible motivación do señor Balseiro para redactar esa nota de prensa é que “ou ben quere ser o próximo candidato á alcaldía de Foz polo Partido Popular, o cal me parece lícito, ou ten ordes do PP de atacar a este Concello coa ocorrencia que sexa pola proximidade das autonómicas”.
O alcalde focego adianta que “o vindeiro luns remitirémoslle ao grupo parlamentario do Partido Popular na Xunta de Galicia unha solicitude de reunión co señor Balseiro na casa consistorial do Concello de Foz. O obxecto da reunión será aclararlle o estado de tramitación da depuradora para que non cometa máis erros e a poder ser non continúe coa cantinela de botarlle a culpa ao Concello ou a Costas. Vamos ofrecerlle tres datas para que non teña problemas de axenda, esperemos que acuda”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
