Foz, 22 de decembro de 2023. O alcalde de Foz, Fran Cajoto, valora moi positivamente o anuncio do Ministerio de Transportes e ve “máis cerca ca nunca” a mellora do enlace da Corredoira, intersección que une a Nacional 642 coa estrada LU-152 a Ferreira e que beneficia especialmente aos veciños das parroquias de Vilaronte, San Martiño, Santa Cilla e San Acisclo.
“Seguimos superando fitos. O Ministerio de Transportes está cumprindo con Foz. Neste caso estamos a falar da aprobación definitiva do proxecto de trazado da intersección da nacional coa estrada a Feerreira, presupostado en 417.000 euros. Este anuncio non son palabras baleiras, xa que se publicará proximamente no Boletín Oficial do Estado”, explica Fran Cajoto.
O alcalde de Foz engade que “o enlace vai a contar con carrís de espera centrais para axilizar o tráfico e evitar o colapso que se forma no verán. Cunha estrada con 15.000 vehículos diarios e tempos de espera de ata 20 minutos para incorporarse na intersección en verán había que facer algo. Estivemos traballando codo con codo co Ministerio e estamos moi agradecidos; Transportes está axudando moito a Foz”.
O rexedor municipal lembra o aumento de altura de tres pontes na estrada para evitar problemas no transporte, o impulso ás rotondas de Cangas -xa en fase de expropiacións- e o anuncio da redacción do proxecto do Terceiro Acceso para Foz, que agarda ver pronto publicado. “Besteiro conseguiu axilizar os traballos de reparación na Areoura, que estaban estancados e provocaban un importante prexuízo na arteria principal da comarca. Vexo que hai compromiso e se avanza e isto para nós é prioritario, seguro que teremos máis boas novas”, destaca Cajoto.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
