O PP volve votar en contra do establecemento dun fondo extraordinario con axudas directas para o sector afectado pola baixa produtividade das rías
Santiago de Compostela, 22 de decembro, 2023. A deputada do BNG Rosana Pérez censurou este venres a “desaparición” da Consellería do Mar diante da “situación extrema” que se está a vivir no sector do marisqueo pola perda de produtividade das rías. “Onde está a axilidade do Goberno galego para atender á súa xente? Onde estivo o Goberno do PP cando se produciron as mortaldades intensísimas de primeiros deste 2023? Onde estivo cando houbo un arrase absoluto no 2021? Desaparecido en combate”, afirmou durante a defensa da proposición non de lei que defendeu para reclamar á Xunta, unha vez máis, a creación de inmediato dun fondo extraordinario para atender aos traballadores e traballadoras do mar e ás propias confrarías afectadas pola situación actual das rías galegas.
O PP, de novo, votou en contra da iniciativa do Bloque, na que tamén se reclamaba a creación con carácter de urxencia dun comité de crise, formado polo propio Goberno galego xunto a representantes do sector e científicos do País para analizar “rigorosamente” as causas da perda de produtividade das rías e elaborar un plan plurianual de medidas que sirvan para poñerlle freo e comezar a reverter a situación biolóxica e económica das mesmas.
Rosana Pérez lamentou que a Xunta “siga sen poñer un peso” para paliar a situación e criticou que a “maquinaria de propaganda do PP” se limite neste caso a pedir a declaración de zona catastrófica ao Goberno do Estado, renunciando o Executivo galego a exercer as súas competencias, exclusivas, no marisqueo. “Hai un goberno galego, nominalmente polo menos, que non fai nada máis que reclamarlle ao Estado que faga, un goberno que nin consigue nin executa competencias”, agregou.
É por iso que o BNG rexeitou na comisión a emenda presentada polo PP para “substituir” o seu texto -“non engadir”, precisou Rosana- e limitar a iniciativa á petición de zona catastrófica, eliminando as petición de axudas urxentes e de creación dun gabinete de crisis.
“O discurso do PP é absolutamente invendible”, asegurou a deputada do BNG, que criticou que nin o actual conselleiro, Alfonso Villares, nin a anterior titular da Consellería, Rosa Quintana, “foron quen” de comparecer no Parlamento galego para falar dos episodios de mortaldade nas rías e a baixa produción que se vén producindo dende hai anos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
