Ribadeo, 26 de xaneiro de 2024. Acisa fai un balance positivo do traballo realizado pola delegación ribadense desprazada a Fitur.
O xerente de Acisa, Jesús Pérez, contou que “nestas xornadas de traballo que rematamos hoxe puidemos manter diversas reunións con operadores turísticos, axencias de viaxes e asociacións profesionais poñer en valor Ribadeo como destino turístico de calidade. Como noutras ocasións os visitantes que asistan a Fitur poderán levar un exemplar da guía de información turística e comercial de Acisa. Estes días asistimos ás presentacións institucionais tanto da Deputación de Lugo, da Mariña Lucense en Fitur e á do Concello de Ribadeo na Casa de Galicia”.
Pérez lembrou que “Acisa ven aplicando dende hai anos diferentes estratexias turísticas, coas que pretendemos potenciar o noso municipio como destino turístico de calidade e diferente aos demais con campañas como o Domingueo en Ribadeo, os barrios e vilas mariñeiras de Porcillán e Rinlo, o centro comercial coas mellores vistas… coas que vimos poñendo en valor todos estes aspectos que a nivel comercial, gastronómico e turístico nos diferencian e nos fan más atractivos para os posibles visitantes. Por iso dende Acisa consideramos que a nova campaña do Concello de Ribadeo pode ser moi positiva, xa que vai na mesma liña na que se leva traballando dende hai tempo”.
O xerente de Acisa indicou: “quixera tamén poñer en valor a presenza nesta feira de diversas empresas tanto asociadas como non asociadas, que apostan por esta cita como unha oportunidade de facer negocio e para conseguir visibilidade e posicionamento nun sector cada vez mais saturado, principalmente o hoteleiro e hostaleiro; e tamén poñer en valor o traballo dos catro restaurantes que participaron na xornada de onte na degustación ofrecida ma Casa de Galicia e na que os produtos de proximidade foron os protagonistas”.
Acisa aglutina a máis de 170 negocios de Ribadeo que “deste xeito estiveron representados na Feira Internacional de Turismo que se celebra en Madrid ata o vindeiro domingo. Todo o traballo feito redundará de xeito positivo no tecido empresarial ribadense. O balance que facemos da nosa presenza nesta cita é positivo”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
