Non podo deixar de escribir unha reflexión, persoal e intransferible. Trata de como percibimos o mundo e como queremos que sexa. Son firme partidario dos servizos públicos: algo tan importante como son a saúde, a educación ou a seguridade non poden depender do poder adquisitivo de cadaquén. Que aporte máis quen máis ten: é a única vía para garantir a igualdade de oportunidades, a que merecemos.
Gústame a historia: estou orgulloso da extensa herdanza que deixaron en Foz e en toda Galicia os nosos devanceiros. Poboadores antigos dos que se perdeu o nome, tribos celtas que se asentaron e que deron en chamarse galaicas, algún fenicio de paso, romanos por suposto, anglos seica na Mariña, suevos e tamén algún visigodo, árabes … Un compendio de culturas que se enriquece coa inmigración actual, grazas á cal saen os barcos a faenar, temos médicos -moi escasos- nos nosos centros de saúde, traballan as empresas de construción ou tomamos un café tódolos días. Creo fortemente na cultura, no amplo espectro da palabra. Cultura sen cores políticas, sen fronteiras nin bandeiras. Arte que serve para expresar as inquedanzas, as vivencias, a perspectiva do artista. Arte que emociona, e non a todos da mesma maneira. Arte que tamén usa, coida e conforma unha materia prima preciosa, o mellor dos nosos patrimonios, a lingua galega. Arte que traspasa o territorio e que bebe de España, de Portugal, do Mundo, onde tamén xermola. Unha arte que non se limita ao territorio, senón que parte do artista que a crea e do seu tempo.
Houbo un día na historia no que dous homes poderosos -e digo homes, porque así era a sociedade- trazaron unha fronteira. A fronteira seguía o curso dun río e duns montes. Onde a chaira ocupaba o espazo, construíron un muro. A xente a un e ao outro lado do valado comezou a sentirse distinta, cando non o era. E mirábanse con sospeita, temerosos, cando cruzaban ao outro lado. Hoxe en día hai persoas que seguen creando fronteiras e outros que prefiren derruílas. Eu son dos segundos, por iso son socialista. Por unha Galicia máis plural, xusta e con futuro, aberta ao Mundo, eu apoio a Besteiro.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
