O conselleiro do Mar acompaña a investigadores do CIMA nesta acción
Ribadeo, 30 de xaneiro de 2024. O conselleiro do Mar, Alfonso Villares, acompañou hoxe aos investigadores do Centro de Cultivos Mariños (CIMA) de Ribadeo que entregaron ao colectivo de persoas mariscadoras da confraría deste municipio lucense unha partida de 4.000 unidades de xuvenís de ourizo de mar. Esta iniciativa forma parte da acción de investigación ‘Mellora da produción de xuvenís de ourizo de mar en catividade’, código de proxecto CIMA 21/03 (Xumarou), que ten por obxectivo optimizar o período de preengorda de xuvenís con diferentes sistemas para acurtar o tempo que se precisa para o seu traslado ao medio natural.
Esta actuación, que rematará en 2024, está financiada na súa totalidade pola Consellería do Mar e conta cun orzamento que supera os 125.321 euros e que se distribúe en catro anualidades. A entrega deste lote de exemplares, dun tamaño medio de 10 milímetros (mm), forma parte dunha camada que naceu en maio de 2023 nas instalacións do CIMA de Ribadeo. Desta partida un lote de 5.000 individuos foi introducido xa en novembro de 2023 na reserva mariña de interese pesqueiro Os Miñarzos en Lira, A Coruña.
Alfonso Villares, xunto coa directora xeral de Desenvolvemento Pesqueiro, Susana Rodríguez, volveu a destacar a importancia da colaboración directa entre entidades do mundo da ciencia, como é o caso do CIMA, co sector produtivo á hora de contribuír a propiciar un incremento dos exemplares adultos que eleve a intensidade reprodutiva e que dea pé a incorporar mellores recrutamentos no medio mariño. Segundo o titular de Mar, con esta acción de investigación o que se pretende é conseguir que un recurso como o ourizo de mar quede protexido e garantir a súa dispoñibilidade ás organizacións e entidades pesqueiras participantes no proxecto.
Entre os ensaios desta acción de investigación realizáronse experimentos para definir un protocolo de cultivo larvario que incremente a supervivencia das larvas ata o momento da fixación; probar diferentes sistemas de fixación para aumentar o número de individuos en fase post-larvaria e ensaiar métodos de marcaxe e identificación dos exemplares antes do seu traslado ao medio mariño.
Con esta actuación preténdese sentar as bases de colaboración entre o CIMA, como órgano científico e as confrarías das zonas VIII (Cedeira) e IX (A Mariña), e xa se está a traballar coas súas asistencias técnicas e coa dirección do persoal técnico da Xefatura Territorial de Lugo nunha nova proposta de acción de investigación que, cunha duración prevista de tres anos, pretende aumentar a produción de exemplares de ourizo de mar e introducir nas confrarías de pescadores as técnicas de sementeira e de seguimento destes equinoideos ata que alcancen o seu tamaño comercial.
De xeito paralelo o CIMA de Ribadeo pretende activar un proceso de cultivo de macroalgas mariñas en condicións controladas de laboratorio, coa finalidade de abastecer as necesidades de alimento dos ourizos de mar na fase de preengorda, principalmente nos meses de finais do outono e de inverno, nos que escasean as algas no medio natural.
Importancia da produción
En Galicia o ourizo é un importante recurso produtivo que se comercializa en preto dunha trintena de lonxas de toda a comunidade autónoma, de Ribadeo ata a Guarda. Segundo os datos preliminares de primeira venda en lonxa, no ano 2023 vendéronse preto de 631.220 quilos por un importe superior aos 7,6 millóns de euros.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
