Ribadeo, 31 de xaneiro, 2024. O BNG de Ribadeo fai pública a valoración do pleno de xaneiro. “No pleno deste martes, o alcalde de Ribadeo deu mostras claras dun regreso das prácticas caciquís ao Concello de Ribadeo coa colocación dun armatoste na escalinata do Concello. A preguntas do BNG no pleno da man de Vicente Castro, o rexedor non foi quen de confirmar a existencia do preceptivo informe de Patrimonio para facer unha actuación desa envergadura nun edificio do casco histórico que ten protección integral”.
“Como moito, deixou caer, como quen non quere a cousa, que “houbo algunha chamada” e mesmo se referiu a “un correo electrónico” no que se abordou o tema. Pero informe preceptivo por parte de Patrimonio autorizando esa actuación, non. Velaquí o vello costume urbanístico de ir facendo que logo xa se verá. Velaquí as ansias de Daniel Vega de recuperar os vellos costumes “decimonónicos”. Ribadeo non se merece tal cousa”.
“Tampouco se merece o oportunismo mostrado polo PP de Ribadeo co tema da Sanidade. De xeito claramente electoralista, e sen sequera adaptar a moción ao pleno do Concello de Ribadeo, o PP presentou ás présas unha moción tipo, elaborada no Parlamento galego, na que se pedía ao goberno central crear mil prazas máis de MIR que puidesen ser dedicadas á medicina de familia. Din que coa fin de paliar as carencias no sistema sanitario”.
O BNG de Ribadeo, a través da concelleira Raquel Ferreira, manifestou que “levamos moitos anos defendendo o sistema sanitario público galego nas rúas e nas institucións promovendo actuacións na súa defensa. Non é algo novo. E, por iso, non é de recibo que, sen tempo suficiente para estudar a proposta, se presente de xeito improvisado e ás presas esa moción”.
“Desde logo, o BNG non vai participar da cerimonia da confusión apoiando unha moción oportunista que esquece o sen fin de carencias que temos padecido e padecemos no sistema sanitario público galego, en Ribadeo, na Mariña e en toda Galiza en xeral, da man dos recortes promovidos do PP, cando non directamente polo traspaso á sanidade privada de partidas orzamentarias destinadas á sanidade pública”.
“Ese é o rostro do PP: sempre na defensa da sanidade privada. Sempre recortando na sanidade pública. E agora, con intención electoralista, e para facer fronte á grande mobilización convocada para este domingo 4 de febreiro en Compostela, os populares de Ribadeo súmanse á cerimonia da confusión propoñendo medidas grandilocuentes sen planificar ben a súa viabilidade e aplicación. Fronte a esta improvisación, desde aquí queremos animar a todo o mundo a sumarse á gran mobilización deste domingo 4 de febreiro, en Compostela, na defensa da sanidade pública galega”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
