Lugo, 6 de febreiro de 2024. Ante as declaracións do Voceiro provincial do Partido Popular ao respecto do proceso de contratación do programa Coñece a túa Provincia, a Deputación de Lugo manifesta:
– As declaracións do señor Ameijide son un exemplo máis das malas artes e da indignidade política que vén demostrando o PP, acentuada, iso si, polo enorme nerviosismo, temor e preocupación que viven nas filas populares ante a vindeira cita electoral. Para pelotazos, os do PP. Intentan atacar aos demais para tapar as súas propias falcatruadas. O Voceiro provincial do PP é un fiel discípulo de Elena Candia, a campioa do xogo sucio contra os rivais políticos, coa entrega dos anónimos que iniciaron a persecución xudicial contra José Ramón Gómez Besteiro, rebasando todos os límites da ética e da moral.
– O proceso de contratación do programa Coñece a túa Provincia, como todos os que realiza a Deputación de Lugo, é totalmente transparente e legalmente impecable. Trátase do mesmo programa de viaxes gratuítas pola provincia para entidades asociativas sen ánimo de lucro que a institución provincial leva desenvolvendo dende o ano 2021, e conta, coma sempre, cos informes favorables dos servizos de Secretaría e de Intervención. Resulta lamentable que o PP este acusando aos funcionarios provinciais de non facer ben o seu traballo xurídico e de fiscalización, e que cuestione a súa imparcialidade absoluta. O que lle molesta é que o programa funciona ben, e gústalle aos veciños e veciñas da provincia. Por iso, queren embarrar.
– Como recolle a acta, a Mesa de Contratación celebrada o pasado 2 de febreiro:
Primeiro, procedeu a abrir o sobre da oferta relativo aos criterios de adxudicación avaliables automaticamente mediante fórmulas matemáticas.
Segundo, comprobou se algunha das propostas estaba incursa en valores anormais ou desproporcionados, en aplicación da Lei de Contratos do Sector Público.
Terceiro, de conformidade tamén coa Lei de Contratos e da cláusula 13 do prego de cláusulas administrativas particulares, acordou conceder o trámite de audiencia á UTE formada pola empresa Agrupación de Transportes de Viajeros SA para que, no prazo de 5 días hábiles, xustifique e desglose detalladamente o baixo nivel de prezos, custes ou calquera outro, para a valoración da súa oferta, e precise as súas condicións.
E cuarto, acordou que polo Servizo de Contratación se efectúen os trámites de xustificación da oferta desproporcionada existente e se convoque novamente á Mesa de Contratación para o exame do preceptivo informe técnico.
– Polo tanto, o Partido Popular minte:
A comprobación de valores anormais ou desproporcionados na oferta é unha obriga legal e está automatizada, é dicir, aplícanse fórmulas matemáticas -claramente explicadas na acta da Mesa de Contratación-, polo que non cabe ningunha marxe para a interpretación ou a subxectividade.
Pero é máis, a empresa á que se refire o PP nin sequera está excluída do proceso, porque se lle dá audiencia para que xustifique os prezos que ofrece, e o servizo de Contratación deberá facer un informe técnico ao respecto para que logo o examine a Mesa de Contratación.
– O xogo sucio e a indignidade política, coa mentira como bandeira. Así actúa o Partido Popular. E tamén, co sinalamento, tanto de persoas que non pensan coma eles, como de empresas que non son do seu gusto, e que por iso atacan e descualifican, como se non tiveran dereito a traballar nin a vivir.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
