O BNG impulsará unha nova Lei Gelga de Contratación das Administracións Públicas qeu buscará “garantir o pleno respecto dos dereitos laborais con cláusulas sociais”
Lugo, 8 de febreiro de 2024. A cabeza de lista do BNG, Olalla Rodil, visitou esta mañá ás traballadoras do sector da limpeza, que levan máis de 100 días en folga reclamando unhas condicións de traballo dignas a través dun novo convenio. Rodil trasladou o apoio e o recoñecemento do BNG “a unhas mulleres que son esenciais, encárganse da limpeza de instalacións como a residencia de maiores das Gándaras ou os centros escolares, e seguen cobrando menos do SMI”, afirmou a candidata do BNG, que engadiu “é preciso garantir unhas condicións de traballo dignas para un sector esencial como é a limpeza”.
Rodil anunciou que o BNG desde a presidencia da Xunta de Galiza impulsará unha nova Lei galega de contratación das administracións públicas que terá como obxectivo favorecer as contratacións de pequenas e medianas empresas con capacidade innovadora e de xeración de emprego estábel. “Trátase de acabar co práctico monopolio das grandes construtoras e fornecedoras de servizos madrileñas na realización de obras públicas e prestación de servizos na Galiza e, ao tempo, garantir o pleno respecto polos dereitos laborais”, explicou Olalla Rodil, que engadiu “reduciranse na medida do posíbel os contratos a empresas externas de servizos que pode prestar directamente a administración pública cos seus propios recursos”.
A cabeza de lista do BNG explicou que unha das medidas máis importantes será a introducción de cláusulas sociais e con perspectiva de xénero. “Estas cláusulas deben servir para crear emprego, mais tamén para garantir que as persoas que traballan nas empresas contratistas teñen unhas condicións laborais óptimas”, declarou Rodil. O BNG aposta por unha contratación pública que sexa estratéxica e responsábel para acadar obxectivos sociais, éticos e ambientais. Mediante a contratación dos servizos públicos da Xunta de Galiza utilizaranse todas as posibilidades legais para a fomento dos contratos reservados para iniciativas de carácter social e sen ánimo de lucro.
Rodil chamou a concentrar o voto na papeleta do BNG, “a única forza que poderá gobernar Galiza coas mans libres”, afirmou. Olalla Rodil destacou que o BNG “ten proxecto para Galiza, e ten un equipo preparado para darlle a este país o cambio que merece tras 15 anos de abandono por parte do PP, cunha presidenta á que ninguén lle dirá até onde pode chegar na defensa dos intereses dos galegos e galegas.”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
