A comitiva sairá ás 17:30 de mañá martes 13 de febreiro dende a explanada da variante (avenida de Ferrol), e rematará na Praza Maior
Viveiro, 12 de febreiro de 2024. O Concello de Viveiro celebra mañá, martes 13 de febreiro, un Gran Desfile de Entroido que contará con diversos premios. Será a actividade central da programación municipal de Entroido, que inclúe diversas actividades adicionais para estes días.
A alcaldesa de Viveiro, María Loureiro, animou a toda a veciñanza do municipio “a participar neste gran desfile cos mellores disfraces, para seguir facendo deste Entroido en Viveiro unha festa inesquecible”.
O desfile sairá ás 17:30 dende a explanada da variante (avenida de Ferrol), e rematará na Praza Maior. Os premios que se outorgarán ás persoas que participen nel estarán divididos nas categorías de adultos e infantil.
No caso da categoría de adultos, haberá catro premios por modalidade: carrozas, grupos, comparsas, parellas e individual, ademais dun premio especial ao humor e á orixinalidade. Na categoría infantil inclúense as modalidades individual, parellas e grupos.
En total, o Concello repartirá máis de 5.000 euros en premios en metálico. Ademais, haberá unha axuda especial por un importe máximo de 200 euros para as carrozas participantes no desfile.
No propio martes 13 de febreiro haberá tamén unha “Discotroula de Entroido”, na praza Maior de 13:30 a 15:30 e de 17:00 a 21:00.
O mércores 14 de febreiro, por outra banda, será o Enterro da Sardiña. A xornada comezará pola mañá cunha recepción de autoridades no antigo Concello (na Biblioteca Municipal), e seguirá co descubrimento dunha placa conmemorativa ás 18:00.
O “Enterro da Parrocha” infantil comezará ás 18:30, con saída dende o final da rúa Pastor Díaz e con final na Praza Maior. A rapazada participante gozará dun chocolate con churros antes de saír.
O Enterro da Sardiña será ás 21:00, con saída dende a praciña da Herba e final na Praza Maior, amenizada pola charanga Santa Compaña e cun reparto de bolos preñados e viño.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
