Un dato obxectivo e incuestionable é que nestes últimos anos, Galicia avanzou de xeito significativo na ampliación e mellora dos seus servizos sanitarios, en particular, os que teñen que ver coa saúde da muller.
Medidas como a extensión ao conxunto do territorio do cribado de cancro de cérvix ou a ampliación ata o 74 anos do cribado de cancro de mama, supuxeron un paso adiante na detección precoz destas enfermidades e, deste xeito, máis posibilidades de curación.
Cómpre seguir dando pasos a favor dunha abordaxe que afronte a saúde das mulleres de forma integral e en todas as etapas da vida. Dispoñer da carteira de servizos máis completa é o obxectivo primordial do proxecto liderado polo presidente Alfonso Rueda.
Así, na vindeira lexislatura estenderemos o cribado de cancro de mama ás mulleres de entre 45 e 50 anos, para detectar predisposición xenética e poder anticiparnos con medidas preventivas ou correctoras.
Tamén apostaremos polo dereito da muller a ser nai, ampliando ata os 45 anos a idade límite para o acceso á reprodución asistida na sanidade pública e reforzaremos o papel das matronas de atención primaria na preparación ao parto, lactancia e postparto.
As matronas e os centros de orientación familiar do Sergas liderarán un novo programa de atención á saúde menstrual que axude á diagnose precoz de enfermidades como a endometriose ou a osteoporose, achegue información sanitaria ás mulleres en etapas de puberdade ou menopausa e organice actividades formativas nos eidos comunitario e educativo que normalicen estes procesos.
O programa de Goberno de Alfonso Rueda inclúe tamén a creación dunha unidade multidisciplinar de fibromialxia coa finalidade de que acelere o diagnóstico desta enfermidade e ofreza unha mellor atención sanitaria a quen sufre esta doenza.
Queremos tamén reforzar as prazas nas unidades de atención a pacientes con trastornos da conduta alimentaria e financiar desde a sanidade pública tratamentos como as cremas solares para pacientes de lupus, respondendo a unha necesidade sanitaria desta poboación.
En definitiva, faremos da muller e das enfermidades propias ou prevalentes do xénero feminino obxecto da nosa atención prioritaria, convencidos de que a Galicia que funciona -a que lidera Alfonso Rueda- require tamén unha aposta decidida pola sanidade, en clave feminina.
Encarna Amigo Díaz
Deputada, voceira de Sanidade do Grupo Popular
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
