Nun partido dominado polo Pescados Rubén Burela FS, os Pícaros lévanse os 3 puntos de Leganés con doblete de Malaguti en dous minutos
Sábado 17 de febreiro. Esta tarde ás 19.00h na Cidade Deportiva La Fortuna de Leganés xogábase a 20ª xornada de Segunda División de Futsal, C.D. Leganés FS – Pescados Rubén Burela FS cun resultado final 2-5.
Sacando vantaxe comeza o partido o Pescados Rubén Burela FS, no minuto 4 cun gol de cabeza de Ismael tras un xogo directo cos pés de Kaluza. Continúa o partido dominando o conxunto mariñán, con numerosas ocasións, entre elas un pau de Ismael e outras tres situacións claras de Álex García, Lucho e Isma que romperían o partido na primeira parte. Na última xogada antes do descanso, Dani Colorado empata o partido nunha transición ofensiva.
No segundo tempo continúa o xogo na mesma liña que o primeiro, con dominio por parte dos pupilos de David Rial. No minuto 28 Álex García adianta o marcador 1-2 cun gol tras un saque de esquina por parte de Isma. Dous minutos despois chega o 1-3 cun disparo de Malaguti que a mete ao segundo pau e outros dous minutos despois chega o segundo nunha situación de reverso de pivote do xogador benaventano. Presiona o conxunto local con porteiro-xogador conseguindo un tanto, de novo, Dani Coloreado no minuto 36 pero remata o tempo e o Burela culmina o encontro case sobre a bucina co 2-5 final, un gol de Lucho tras un roubo defendendo en siutación de 5 para 4.
Importantes 3 puntos que reforzan a terceira posición na táboa, reducindo a distancia ante o líder e marcando distancia ante o último equipo en postos de playoff, Antequera e Colo Colo, que se enfrontaron e empataron nesta xornada, e manténdoa ante o segundo clasificado a só 2 puntos, aínda que cun partido menos do conxunto maño. O domingo que vén ás 12.00h xogámonos o terceiro posto ante o cuarto clasificado, o Unión África Ceutí, que viaxará a Burela celebrar un encontro no que se necesitará do máximo apoio en Vista Alegre nun dos partidos máis difíciles da tempada por uns valiosísimos 3 puntos.
Ficha Técnica C.D. Leganés FS 2-5 Pescados Rubén Burela FS
CD Leganés FS (2): Óscar; Manu García, Juanma, Chicho, Miguel -quinteto inicial-, Diz, Javi, Álex Fuentes, Dani Colorado, Bertin, Hugo, Pedro, Charly, Rubén de Santiago. Entrenador: Álvaro Breña.
Pescados Rubén Burela FS (5): M.Kaluza, Lucho (C), Isma, Álex García, Malaguti – quinteto inicial-, Quelle, Alberto, Flethes, Charly, Ismael, Mika. Entrenador: David Rial
Goles: 0-1, min.4: Ismael. 1-1, min.20: Dani Colorado. 1-2, min.28: Álex García. 1-3, min.30: Malaguti. 1-4, min.32: Malaguti. 2-4, min.36: Dani Colorado. 5-2, min.40: Lucho.
Árbitros: Jairo Leiva Martínez, David Pizarro Megías, Diego Sarasúa Álvarez, Marta Hernández Hernán.
TA: Álvaro Breña, Miguel, Juanma, Pedro, Alberto Plaza, Ismael, Malaguti
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
