A Mariña, 28 de febreiro de 2024. Coa entrega de diplomas remataron esta tarde as primeiras xornadas de formación en Xeoturismo para guías e empresas de turismo activo. Foron 21 profesionais os que participaron nesta cita tanto desta comarca como do resto de Galicia e de Asturias.
As xornadas desenvolvéronse en horario de mañá e tarde no salón de conferencias de Burela durante os días 20, 21, 27 e 28 de febreiro. Deste xeito continúa o programa de Xeoturismo da Mancomunidade, que arrincaba o pasado mes de decembro, e que se enmarca no Plan de Sostibilidade Turística 2022-2024, que está cofinanciado pola Mancomunidade – co apoio da Deputación de Lugo -, a Xunta de Galicia e a Secretaría de Estado de Turismo.
“Os asistentes abordaron contidos de interese para comprender os procesos xeolóxicos e as principais manifestacións xeolóxicas que atopamos na Mariña, para así poder ser quen de interpretalas e dalas a coñecer aos visitantes dun xeito sinxelo, ameno e entretido. Entre os temas tratados figuraron unha introdución ao turismo xeolóxico, ao perfil deste tipo de turista, ao patrimonio xeolóxico da Mariña, á comercialización de produto xeoturístico ou á interpretación da paisaxe xeolóxica, entre outras”, segundo explicou a xerente do Plan de Sostibilidade Turística da Mancomunidade, Tania Hermida.
A presidenta da entidade, Rocío López, agradeceu “o interese e implicación con estas xornadas de formación en Xeoturismo dos asistentes, que nos permiten seguir avanzando nunha maior profesionalización, diversificación e desestacionalización do sector turístico dirixíndonos a un público sensible e respectuoso co territorio“ e desexou “que pouco a pouco podan tanto integrar A Mariña como os aspectos xeolóxicos desta nas súas actividades guiadas co obxectivo de poder amosar toda esta riqueza do territorio tan singular ao visitante”.
A presidenta da Mancomunidade quixo recordar que “esta actuación responde a todo un traballo de anos atrás xunto a Concellos e axentes relacionados. Que se fixo, primeiro, durante a preparación das dúas candidaturas en 2020 e 2021 para recibir os fondos do plan e mais tarde, unha vez nos foron concedidos, na definición e concreción das distintas actuacións prioritarias. Para iso tiveron lugar diversas e numerosas reunións de traballo, no caso do Programa de Xeoturismo, dentro do Plan Operacional do Turismo Deportivo e de Natureza. Pero tamén no marco do Plan Estratéxico e de Marketing Turístico da Mariña, co análise do trazado para o Camiño do Mar tendo en conta á asociación, historiador e Concellos implicados co fin de establecer unha ruta consensuada, atendendo a cuestións histórico – culturais, ambientais e de seguridade, e máis recentemente co Plan Director do Turismo Gastronómico, entre outras”.
Desde a Mancomunidade avanzaron que durante o mes de marzo, o día 13 terá lugar a formación para anfitrións e xestores de turismo da Mariña da que se ampliarán detalles nos vindeiros días.
No acto de entrega de diplomas participaron a presidenta da Mancomunidade, Rocío López; a xefa da Área de Turismo da Xunta en Lugo, Paloma Vázquez; a subdelegado do Goberno en Lugo, Isabel Rodríguez; a alcaldesa de Burela, Carmela López; e o concelleiro de Turismo burelés, Ramiro Fernández.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
