Burela, 2 de marzo, 2024. Esta tarde ás 17.00h no Joan Gamper xogábase a 22ª xornada de Segunda División de Futsal, Barça Atlètic – Pescados Rubén Burela FS cun resultado final 2-2. O conxunto laranxa sufriu durante os 40 minutos, nos que se lle viu cómodo en escasas ocasións, con pases erráticos, custando chegar a portería e xerando poucas ocasións. Un xogo ao que ultimamente non nos teñen afeitos, mostrando a súa mellor versión nestes últimos partidos da segunda volta da tempada. O Barça, polo seu lado, soubo aproveitar erros do equipo visitante levando a vantaxe no marcador durante algúns minutos, cun Burela a remolque dos locais nun partido con poucos goles pero bo ritmo. Moi bo papel de Michal Kaluza que salvou o partido no día de hoxe e de Quin Gassó, que provocou numerosas ocasións e foi o único autor do gol dos blaugranas, metendo Alberto en propia o segundo. A pesar do despiste do equipo mariñán, soubo pelexar polo empate rematando o encontro de forma satisfactoria e volvendo cun punto á casa.
Na primeira parte domina practicamente os 20 minutos o conxunto local, non con moitas ocasións, unha ou dúas por parte do Burela e algunha máis para os cataláns, aínda que con bo ritmo. No minuto 8 Kaluza salva un disparo directo de falta e no 10 Puigbert dispara fóra. No mesmo minuto outro paradón de Michal que detén un disparo de Quim Gassó que recibe en solitario no segundo pau e un minuto despois outro paradón do noso porteiro polaco, que a saca coas mans por riba do traveseiro a outro disparo de Quin despois de un roubo. Outra de Quin Gassó que no minuto 15 chega ante Michal tras un roubo a media pista e a lanza fóra. No minuto 16 parece que o Burela comeza a espertar pero continúa errado. Chega o descanso sen moito tino por parte de ningún dos dous equipos, aínda que o Barça consegue metela xusto sobre a bucina, o que non puntúa no marcador. No segundo tempo sae o Burela co mesmo quinteto e comeza xa defendendo dende o minuto 1. Continúa incómodo, aínda que o conxunto local tampouco se mostra moi acertado. Os primeiros minutos sucédense sen ocasións ata o minuto 26, no que Santos consegue o primeiro tanto a pase de Nicolás nunha contra. Pero segundos despois Ismael logra o empate cun golazo espectacular nun lanzamento directo de falta que entra pola escuadra. Continúa o xogo con algunha ocasión máis clara por parte de ambos equipos, aínda que máis a favor dos cataláns. No minuto 28 disparo potentísimo ao pau de Aniol nunha falta e no 33 non consegue chegar Ismael a un disparo de Álex García que se vai fóra pasando por diante do segundo pau. Chega o 2-1 no minuto 34 nun erro de Alberto que remata sen querer e de forma moi “acertada” un saque de banda do conxunto rival. A continuación a actuación estelar da tarde, con triple parada consecutiva de Michal nunha situación moi perigosa dentro da área dos mariñáns, parando un primeiro disparo e os dous consecuentes rexeites. Comeza a presionar por fin o Burela no minuto 37, e chega o empate no mesmo minuto cun golazo do catalán provinte do equipo rival, Álex García, que a coa entre as pernas da defensa do conxunto barcelonés, tras un saque de esquina. Gol que sentencia o partido a pesar do intento de sumar os tres puntos da clasificación chegando o Burela a recorrer ao porteiro-xogador nos últimos minutos.
Manténdose no terceiro posto da clasificación unha xornada máis, a fin de semana que vén concentración para o encontro da 23 xornada, ante El Ejido, no horario habitual do conxunto mariñán, 18.45h, na casa.
Ficha Técnica Barça Atlètic 2-2 Pescados Rubén Burela FS
Barça Atlètic (2): Iker Abad; Nicolás, Muinelo, Tapias (C), Aniol -quinteto inicial-, Quim Gassó, Kokoro, Santos, Puigvert, Pol Cano, Rubén Rodó, Pau López, Martí. Entrenador: Sergi Altisent.
Pescados Rubén Burela FS (2): M.Kaluza, Lucho (C), Quelle, Isma, Malaguti – quinteto inicial-, Alberto, Flethes, Álex García, Charly, Ismael, Mika. Entrenador: David Rial
Goles: 0-1, min.26: Santos. 1-1, min.26: Ismael. 2-1, min.34: Alberto (PP). 2-2, min.37: Álex García.
Árbitros: David Delgado Indalecio, Guillermo Rodríguez González, Adriá Gómez Martínez, Gerard Pla Valldeperas.
TA: Qim Gassó, Ismael, Malaguti.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
