Os concelleiros do PP tamén propoñen “estudar a posibilidade de poñerlle o nome de Ángel Hermida Seivane á rúa na que está situada a antiga fábrica de Muebles Hermida”
Lourenzá, 6 de marzo de 2024. O Grupo Municipal do Partido Popular de Lourenzá vén de rexistrar unha proposta para que o Concello dedique unha rúa a Ángel Hermida Seivane, o empresario laurentino fundador de Muebles Hermida recentemente falecido.
Os populares cren que “a súa figura merece un recoñecemento xeral pola súa relevancia no ámbito empresarial que supuxo unha importante repercusión económica para o noso concello” que contribuíu “á súa transformación”. Pero, “non só o seu gran labor empresarial; senón tamén a súa vinculación persoal co seu pobo xustifican sobradamente que o seu nome figure no nomenclátor”.
Os concelleiros do PP destacan que “personifica o exemplo de empresario que con esforzo e bo facer fixo deste concello un lugar destacado na provincia de Lugo”. De feito, Ángel Hermida Seivane foi nomeado fillo predilecto do Concello de Lourenzá por unanimidade de tódolos grupos políticos que formaban a corporación no ano 2008, “un recoñecemento do que tamén dispón Fernández del Riego que xa ten unha rúa dedicada ao seu nome”.
Ángel Hermida Seivane foi tamén fundador da Confederación de Empresarios de Lugo, Medalla de ouro da CEL, Conselleiro da empresa Sermu S.A, de Electromecánicos Viveiro S.A. e de Prourba S.L.
Polo tanto, dende o PP local fan esta proposta co obxectivo de “facer visible o recoñecemento social á súa figura cuxa traxectoria merece permanecer no recordo dos laurentinos”.
Os populares propoñen que o Concello estude a posibilidade de darlle o nome de Ángel Hermida Seivane á rúa na que está ubicada a antiga fábrica de Muebles Hermida, coñecida na actualidade como Carretera de Masma.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
