A subvención, dun importe de 193.342,76 euros, destinarase á compra de máis dunha ducia de ferramentas agrícolas e de xardinería e a contratación de sete traballadores
Vilalba, 14 de marzo de 2024. O Concello de Vilalba vén de presentar a documentación esixida para poder recibir os máis de 190.000 euros que lle corresponden do Fondo de Compensación Ambiental e na que incluíu a compra de maquinaria para a realización de traballos no medio ambiente e a contratación de persoal na época estival para realizar o mantemento do paseo fluvial e a área recreativa do río Madalena.
En concreto, a corporación municipal incluíu na convocatoria das axudas do Fondo de Compensación Ambiental 2024 un orzamento de 153.487,55 destinado á adquisición de maquinaria autopropulsada e de man. Entre ditas ferramentas, o Concello de Vilalba prevé a compra dunha trituradora articulada lateral, unha biotrituradora, unha plataforma elevadora para poda en altura, unha podadora en altura acoplada a tractor, un tractor compacto e unha trituradora multifunción.
Pola súa banda, o orzamento presentado tamén recolle a adquisición de maquinaria de uso por operarios entre a que se incluíron dúas motoserras profesionais, unha motoserra de man, unha motoserra telescópica, un cortasetos de man, un cortasetos telescópico, catro desbrozadoras profesionais de man, dúas motoserras profesionais dunha sola man, un corta céspede e un soprador accionado a gasolina.
“A compra desta maquinaria permitiríanos axilizar os traballos de mantemento das zonas verdes e mellorar as actuacións no medio ambiente, dúas cuestión fundamentais neste momento”, asegurou a rexedora, Marta Rouco, quen ademais explicou que “dispoñer destas ferramentas no Concello permitiranos realizar a nós actuacións como o
desbroce das vías municipais, a limpeza das cunetas ou a apertura das mesmas, traballos que na actualidade temos externalizados porque non dispoñemos da maquinaria necesaria para facelo”.
Ademais, a alcaldesa destacou “a importancia de manter os nosos espazos verdes coidados para preservar e poñer en valor o patrimonio natural do noso municipio”, polo que o Concello de Vilalba tamén incluíu na convocatoria un orzamento de 50.142,75 euros para as actuacións de mantemento do paseo fluvial e a área recreativa do río Madalena.
Ditas actuacións suporían a contratación de 5 peóns de xardinería ou da rama forestal e 2 oficiais xardineiros durante 3 meses no período estival para levar a cabo a corta de herba nas marxes do paseo fluvial, a retirada de ramas e lixo, así como as labores básicas de mantemento do mobiliario. Ademais, o persoal sería o encargado da corta do céspede, a retirada de ramas, follas e lixo, tamén na área recreativa do Madalena.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
