CANDO UN SE METE EN POLÍTICA municipal sabe que, nalgún momento, en contra do que dictan as boas maneiras e o sentido común, aparecerá alguén que perda as formas máis elementais de sociabilidade: porque confundir “persoas” con “política” é un erro, pero chamarlle “parásito” á xente pasa a ser unha barbaridade.
Hai quince días púideno comprobar nas páxinas dun coñecido xornal da Mariña, onde o primeiro edil de Xove arremetía contra o traballo nobre que estamos a desenvolver desde o BNG definíndonos como “parásitos” e cualificándonos de “desprezables”. Non é a primeira vez que Demetrio Salgueiro insulta a algún veciño, tal e como aconteceu hai catro anos coas vexacións que dirixiu tanto a Xesús López González (AVEXO) como a Xosé Durán Cao (BNG) e ás súas respectivas familias e achegados.
Este é un chanzo máis nunha carreira de normalidade atípica, a do insulto, onde xa adianto que non penso participar. Así e todo, cando a propia intelixencia non me permitira artellar discursos razoables, sería triste valerme da descualificación persoal pola ausencia de argumentos políticos. Non temos necesidade de perderlle o respecto a ninguén en ningunha actividade que realicemos na vida: desde o eido profesional ao familiar, pasando polo tempo de lecer e as nosas actividades de divertimento. A nosa imaxe debera ser amable acotío e o noso esforzo tería que estar dirixido a xerar benestar para a sociedade.
Perder as formas nunca foi o meu estilo e non vai comezar a selo a pesar dos ataques persoais que reciba. Un tipo de comportamento, este, ao que lle deberiamos facer o caso xusto; tanto no desprezo continuo como no eloxio excesivo. Porque supoño que o desacougo, a ansiedade ou o estrés serán a orixe das ofensas que o outro día pronunciou Demetrio.
A miña intención, desde a liberdade de poder decidir, é a de continuar cinguíndome unicamente á análise política. Ese é o meu xeito de actuar, a miña maneira de comportarme. E se non tivera máis fundamentación que o simple insulto ou a crítica das circunstancias persoais dos meus rivais, retiraríame. Sen rancor ningún. Porque confundir “persoas” con “política” é un verdadeiro desatino.
Marco López é Responsable local do BNG de Xove
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
