A APP Viveiro AR conta con 67 recursos dixitais, que se suman aos máis de 80 quilómetros de rutas turísticas e de sendeirisimo documentados a través de ‘Descubre Viveiro’
Viveiro, 28 de marzo de 2024. A alcaldesa de Viveiro e responsable da área municipal de Turismo, María Loureiro, informa de que o concello ten xa a disposición de veciñanza e visitantes 67 recursos turísiticos dixitalizados na APP de realidade aumentada Viveiro AR.
Este arquivo, en constante actualización, súmase aos máis de 80 quilómetros de rutas turísticas e de sendeirisimo documentados a través do programa ‘Descubre Viveiro’, aos que se pode acceder a través das diferentes redes sociais desta iniciativa.
Loureiro destaca que estes recursos “permiten dar a coñecer o atractivo turístico do municipio dun xeito nunca antes visto, atraendo a máis e máis visitantes a Viveiro, co conseguinte beneficio que isto ten para a economía local”.
Por outra banda, engade que “o concello sitúase á vangarda das tendencias tecnolóxicas no sector turístico con este tipo de iniciativas en constante expansión”.
A través da app Viveiro AR, de realidade aumentada (Augmented Reality), pódese escanear o horizonte no municipio para ver, a través de pompas de xeoposicionamiento, cales son os puntos de interese máis relevantes que se atopan preto da posición do turista ou sendeirista.
Ademais, ao acceder á app, pódese tocar a icona de Experiencia AR e aparecerán paneis con información, fotografías, reprodutor de audio e alertas no caso de que un recurso conte con información adicional como horario de visitas ou precaucións.
Tamén dispón dunha recreación tridimensional da Porta de Carlos V, que é “o xerme dun proxecto máis ambicioso para recrear en 3D todo o Viveiro medieval”, explica a alcaldesa.
A aplicación Viveiro AR pode ser descargada a través da App Store na ligazón https://apps.apple.com/us/app/viveiro-ar/id6467196751 e a través da Play Store en https://play.google.com/store/apps/details?id=com.arvision.ViveiroAR
Pola súa banda, o programa ‘Descubre Viveiro’ permite, a través de vídeos e fotografías de alta calidade, visitar dixitalmente as rutas de sendeirismo e turísticas do municipio. Pode accederse a este material a través das redes sociais de Descubre Viveiro, que está presente en Instagram, TikTok, Facebook, Youtube e Wikiloc.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
