Explican os populares galegos que o novo texto legal co que o Executivo pretende substituír o anterior regulamento vai “máis alá” nas súas pretensións de “deshumanizar a costa galega e acabar con toda a actividade que se desenvolve nela”
A Mariña, 30 de marzo de 2024. O PPdeG considera que o novo regulamento de Costas que está tramitando actualmente o Goberno central parte dunha perspectiva “propia do ecoloxismo máis radical” e “totalmente afastada da realidade de Galicia” e alerta das graves consecuencias que tería a súa aplicación para a actividade social e económica da nosa Comunidade.
Explican os populares galegos que o novo texto legal co que o Executivo pretende substituír o anterior regulamento –anulado polo Tribunal Supremo– é “aínda peor que o anterior” na medida en que “vai aínda máis alá” nas pretensións do Ministerio para a Transición Ecolóxica de “deshumanizar a costa galega e acabar con toda a actividade que se desenvolve nela”.
“Xa sabiamos que ao Goberno de Pedro Sánchez lle molestan as empresas, as depuradoras, os cemiterios e ata os centros de saúde que se ubican ao longo do litoral galego. Pero agora descubrimos que directamente está en contra de que haxa vida en toda a nosa costa”, argumentan á hora de abordar as consecuencias que implicaría a aplicación do novo regulamento.
Insisten desde o PPdeG na compatibilidade entre o desenvolvemento de actividade económica e a protección medioambiental “como sempre se fixo en Galicia” e lamentan neste sentido que o Ministerio equipare a situación das praias galegas coas do Mediterráneo á hora de establecer normas de aplicación xeral. “As características de Galicia nada teñen que ver coas doutras zonas costeiras de España”, subliñan.
Os populares contrapoñen a actitude do Goberno central coa da Xunta de Galicia, que, precisamente para protexer as edificacións costeiras galegas e ofrecer seguridade xurídica ás empresas instaladas nestas zonas, aprobou o pasado ano a Lei de ordenación e xestión integrada do litoral. Unha norma que sería posteriormente recorrida ante o Tribunal Constitucional polo Executivo chegando incluso a comparala cunha “declaración de independencia”.
“Fronte a un Pedro Sánchez que nega a Galicia as competencias de xestión do seu litoral que si lle concede ao País Vasco e que ademais ataca legalmente a aqueles que lexislan para o beneficio xeral mentres ampara os actos delituosos dos seus socios, os galegos poderán seguir contando co PPdeG, con Alfonso Rueda á fronte, para defender os seus intereses a toda costa”, conclúen.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
