O BNG recrimina ao PP a reforma da lei de vivenda “pola porta de atrás” para non exercer as súas competencias e desviar a responsabilidade aos concellos
Santiago de Compostela, 30 de marzo. O BNG acusa ao PP, dende a Xunta de Galiza, de facer un auténtico boicot á declaración de zonas tensionadas co obxectivo de que non se limiten os prezos dos alugueres.
Ao seu xuízo, “todas as actuacións da Xunta van encamiñadas a pór atrancos á limitación de prezos” e para mostra, “a reforma legal” da Lei da vivenda “pola porta de atrás”, utilizando a Lei de Acompañamento dos Orzamentos 2024.
Nesa reforma, explica a nacionalista, a Xunta intentou eximirse das súas responsabilidades como Administración competente en vivenda desviando a súa responsabilidade na tramitación de áreas tensionadas aos concellos, e atar ás administracións locais “de pés e mans”, cunha serie de esixencias para que ningún concello consiga sacar adiante a declaración de zona tensionada. Entre esas esixencias están, por exemplo, a obrigatoriedade de facer unha mesa coa patronal inmobiliaria e contar co seu visto bo.
Ou, que a pesar de cumprir cos criterios establecidos coa lei, a Xunta se reserva a capacidade de tomar a decisión final ou deixar caer a proposta, en base a criterios tan abstractos como “posibles efectos negativos” en base ás actas da mesa coa patronal. “Un escándalo” en opinión da nacionalista.
Alexandra Fernández considera que ante a esixencia de contar “co visto bo da patronal” é preciso lembrar que os obxectivo da limitación de prezos é garantir o dereito social de acceso a unha vivenda digna ante un aumento brutal dos prezos. A modificación que introduce pasa por riba dese dereito pero o PP, denuncia a nacionalista só busca “blindar beneficios empresariais por riba do dereito á vivenda” Para iso establecen que aínda que se cumpran os criterios para declarar unha área como tensionada, “a patronal e a Xunta, en complicidade, poidan paralizar a declaración para manter beneficios”.
Dende o BNG, recalca a deputada, esiximos “un cambio de actitude da Xunta” e que abandone o permanente “boicot ás propostas útiles para Galiza”.
O BNG exixe a primeira declaración de áreas tensionadas en Galiza
Neste sentido, Fernandez asegura que a Xunta debe empregar as competencias propias para adecuar a aplicación das áreas tensionadas á nosa realidade urbana polo que solicitamos a elaboración “da primeira declaración de áreas tensionadas de Galiza”, cunha perspectiva global a nivel de país como xa fixo Cataluña.
Urxe intervir os prezos dende unha perspectiva integral
A intervención sobre os prezos do aluguer, engade Fernandez, debe ir máis alá dos topes de prezos e ir acompañada de políticas de vivenda que contribúan a rebaixar os prezos a través de políticas de : “Actuación sobre a vivenda baleira, a planificación e regulación de usos do parque residencial (VUT), impulso da vivenda pública e a vivenda protexida e os topes de prezos.
Dende o BNG entendemos que “estes catro eixos constitúen o armazón para a intervención sobre os prezos da vivenda activándoos de maneira conxunta”.
Finalmente, a deputada do BNG insiste na “parálise” da política de vivenda do PP e de bloquear calquera medida, regulación ou impulso de vivenda protexida para colocar a Galiza na vangarda das políticas de vivenda.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
