A Mariña, 1 de abril de 2024. Durante esta semana a Mancomunidade de Concellos da Mariña Lucense estivo entregando un primeiro grupo de tablets nas oficinas municipais de turismo da Mariña, para facilitar o uso da plataforma Infotourist Net, que permite coordinar e mellorar a xestión de datos estatísticos e da información turística do destino.
A presidenta da Mancomunidade de Concellos da Mariña, Rocío López, explicou que “a implementación do programa Infotourist comezou a finais do ano pasado tras ser contrastadas as posibilidades de uso entre o equipo técnico da Mancomunidade e as diferentes oficinas de turismo municipais, dando así cumprimento a unha das accións recollidas no marco do Plan de Sostibilidade Turística na Mariña para favorecer unha xestión máis integrada dos datos estatísticos e da información das oficinas de turismo do territorio”.
Durante os días previos á Semana Santa, a Mancomunidade de Concellos da Mariña estivo realizando a entrega ás oficinas de turismo de Ribadeo, Lourenzá, Burela, Alfoz, A Pontenova e O Vicedo, tablets que favorecerán a recollida de información na plataforma de Infotourist Net por parte destes organismos que manteñen un contacto tan directo e estreito cos visitantes.Nos próximos meses agardan sumar ao resto de oficinas de turismo municipais do territorio.
López dixo que “esta ferramenta, utilizada por destinos pioneiros en España coma as redes de oficinas de Cataluña, Valencia ou Cantabria posibilita recoller información estandarizada dos nosos visitantes e compartir toda a información para aportar un servizo de calidade sobre as posibilidade que ofrece a Mariña en conxunto e os concellos que a integran”.
A xerente do Plan de Sostibilidade Turística, Tania Hermida, indicou que “Infotourist Net é unha solución integral para as oficinas de turismo,que permite unha xestión centralizada e en tempo real da información turística, a personalización da atención ao cliente, e unha mellor promoción e comercialización do destino. As oficinas poden rexistrar e xestionar de maneira eficiente os datos dos visitantes, como a súa orixe, preferencias e perfil turístico, o que permite unha mellor comprensión do mercado e a adaptación da oferta turística ás necesidades do cliente. Ofrece ademais opcións personalizadas, como aportar información dixital aos visitantes -folletos, eventos, etc. dos concellos que participen na Mariña-, realizar enquisas e outras opcións personalizadas segundo as necesidades de cada entidade”.
A achega de dispositivos electrónicos portátiles permitirá mellorar o uso dunha plataforma que facilita o traballo colaborativo que xa se está a desenvolver entre a maioría das oficinas de turismo da Mariña que apoian coa súa participación activa, esta iniciativa.
Hermida contou que “os datos que con esta ferramenta se recollan, ao igual que no caso dos Estudos de Capacidade de Carga en once lugares de especial fraxilidade que se puxeron en marcha fai uns meses, está contemplado que axuden a alimentar o Observatorio de Turismo Sostible previsto executar no marco do Plan de Sostibilidade Turística na Mariña. Outra actuación que está previsto empezar a abordar durante este 2024 no contexto do PST, tamén co obxectivo de mellorar a imaxe conxunta que se traslada do destino a través destes relevantes puntos de recepción dos visitantes, é a de pequenas intervencións que transmitan a nova e homoxénea imaxe turística e de territorio da Mariña”.
O Plan de Sostibilidade Turística na Mariña está cofinanciado pola Mancomunidade de Concellos da Mariña, a Xunta de Galicia e a Secretaría de Estado de Turismo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
