Ribadeo, 3 de abril, 2024. O BNG afirma que “nas últimas semanas fomos vendo como se lle acumulaba o traballo ao goberno municipal. Tivemos que saír en varias ocasións a reclamarlles máis celeridade na limpeza de camiños e zonas verdes, e na reposición de estragos provocados por temporais anteriores, para que o goberno municipal do PP comezase a reaccionar, aínda que tarde e mal. E ante a súa incompetencia non lles quedou outra que tirar de chequeira e volver a contratar servizos externos ao concello para que lles fagan o que eles non son quen de conseguir polos seus propios medios”.
“No canto de manter os logros dunha política de promoción turística reforzando unha oferta de calidade, de novo volven a promover eventos baseados na convicción de que, para que a xente nos visite, hai que facer boas enchentes. Nunha das fins de semana con máis afluencia, na que xa hai moita xente de visita, porque coñece o atractivo de Ribadeo en xeral e de Rinlo en particular, nun momento no que de seguro os restaurantes van poder servir moitos menús ou pratos á carta, xusto nese momento, o Concello encárgase de que se organice unha mexilloada. Estas políticas de promoción a través da oferta xenerosa dos nosos produtos poden ser contraproducentes si se deixan á improvisación. Non se pode andar argallando eventos dun día para outro. Ribadeo e, por suposto, Rinlo, teñen calidade e potencial turístico xa recoñecido grazas ao traballo constante e ben feito durante tanto tempo e non precisan destas propostas máis propias doutros tempos que do século XXI”.
“E tamén no contexto da Semana Santa temos que lamentar o uso indebido das redes sociais por parte do goberno municipal do PP. Tíñanos acostumados a solapar partido e goberno, pero nesta ocasión foise máis alá. Non acabamos de entender como quen tanto presume da súa formación no seminario puido esquecer tan axiña o “Dar a Deus o que é de Deus e a César o que é de César”. Tampouco acabamos de entender como quen xurou lealdade á Constitución poida esquecer tan axiña que vivimos nun estado aconfesional e nun Ribadeo aberto e diverso”.
“Precisamente o consenso para unha convivencia tolerante e aberta radica no feito de que as crenzas relixiosas forman parte do ámbito privado (por moitas manifestacións públicas que se poidan realizar de dito sentimento relixioso). Pero desde logo nunca poderán formar parte da información que emana das redes sociais do concello. Unha cousa é dar a coñecer os actos que se desenvolven en torno á celebración da Semana Santa e outra ben distinta é asumir como propio un discurso que resulta máis que comprensíbel no seo da propia Igrexa, pero non nun Concello. Non se poden mesturar de xeito tan ordinario os planos. Non se pode estar constantemente lanzando chiscadelas ao pasado. Unha vez máis, o alcalde volve mesturar allos con bugallos dándonos unha mostra da súa incompetencia ou quen sabe se ganas de encirrar”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
