Madrid, 11 de abril de 2024. Sumar Galicia mostrou o seu decidido apoio á continuidade da actividade industrial en San Cibrao, Lugo, e o mantemento dos postos de traballo na planta de Alcoa.
O deputado de Sumar Galicia, Manolo Lago, destacou que “nin Lugo, nin Galicia, nin España poden perder un activo industrial fundamental” como é a planta de aluminio en San Cibrao.
“A multinacional norteamericana Alcoa xa deixou claro que non é o futuro da industria do aluminio en Galicia e en España”, explicou Lago.
Por iso, o deputado expuxo na súa intervención na Comisión de Industria no Congreso dos deputados celebrada este xoves que agora “entramos nunha fase nova que é a de atopar un novo propietario da empresa que ten que ser un grupo industrial do sector solvente e fiable e cun compromiso claro coa actividade e o emprego”.
Lago fixo a intervención durante o punto na Comisión de Traballo no que se discutía unha Proposición non de Lei relativa á adopción de medidas urxentes para asegurar a continuidade da actividade industrial en Alcoa en San Cibrao presentada polo BNG.
Por último, o deputado de Sumar Galicia fixo fincapé en que “neste proceso que agora se abre, o conxunto de Administracións Públicas teñen que comprometerse para garantir a viabilidade do proxecto”.
“O Estado ten que ser o aval e a garantía de que se mentén a industria do aluminio en Galicia”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
