Foz, 24 de abril de 2024. O Concello de Foz leva ao pleno ordinario do mes de abril, que se celebrará este xoves 25 ás 20.30 horas, o regulamento de control horario para o novo sistema de fichaxe dos traballadores municipais.
O alcalde, Fran Cajoto, explica: “fixemos unha mesa sindical na que se trataron os distintos puntos incluídos no regulamento: recuperación de horas non traballadas, flexibilidade horaria diaria en aqueles servizos que o permitan ou os distintos métodos de fichaxe en función do posto de traballo. Unha reunión moi produtiva que teño que agradecer aos sindicatos e ao comité de empresa e da que saíu o texto definitivo que se leva a pleno”.
O rexedor municipal engade que é “un sistema de fichaxe que desenvolve a empresa MHP Servicios de Control SL, xa contratada, e que non só inclúe o control horario senón tamén a xestión dos días de vacacións, permisos ou ausencias do posto de traballo por distintos motivos. O sistema permitirá a fichaxe a través de tres soportes físicos situados en distintos edificios municipais, a través do ordenador do posto de traballo ou cunha aplicación no propio teléfono móbil”.
Fran Cajoto destaca que “a xestión telemática das vacacións, permisos e outras incidencias vai a facilitar o traballo dos coordinadores de cada un dos servizos municipais. Recibimos un concello do século XIX, con ordenadores de máis de 10 anos nun momento no que a informática é imprescindible; investimos en medios electrónicos, tamén na fichaxe como indica a lei, para entrar no século XXI”.
Respecto ás críticas vertidas polo Partido Popular, o alcalde afirma descoñecer “a que está xogando o señor Castiñeira, voceiro nestes momentos do PP local. Está cruzando a liña do moralmente correcto. Non nos vamos desculpar por cubrir as baixas de persoal que se produzan. O que si me parece incrible é que unha persoa que mantivo unha biblioteca completamente esquecida -sen bibliotecaria-, que non dispuxo durante anos de interventor municipal, que prometeu unha RPT ás portas das eleccións do 2019, pero que non foi capaz de implantar, fale así e desprece o traballo dos empregados públicos, que debemos facilitar e poñer en valor. Falar de maquinitas, de percepcións extrasensoriais e volver ao insulto é de patio de colexio. Un Concello é algo moito máis serio”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
