Ribadeo, 7 de maio de 2024. O alcalde, Dani Vega, fai unha valoración positiva das bandeiras azuis que veñen de conseguir as praias de As Catedrais e Os Castros-As Illas.
O rexedor municipal manifesta: “dende o Concello facemos unha valoración moi positiva das bandeiras azuis acadadas polas praias de As Catedrais, Os Castros e Illas. Estamos satisfeitos e cheos de orgullo porque son areais significativos dentro do mapa galego e estas distincións son algo moi a destacar. Dende o Concello o que estamos a facer e coidar e conservar todos estes espazos naturais, que evidentemente son puntos de referencia turística. O traballo é importante, a planificación é fundamental e tamén ter unha coordinación entre administracións. Xa dixemos hai tempo que había que mellorar a praia das Catedrais porque sabemos que é espazo natural marabilloso, é un referente turístico moi importante, pero debemos melloralo e por iso imos investir orzamento, neste caso directamente a Xunta. Sabemos perfectamente tamén que Castros e Illas son unhas praias marabillosas cuns entornos naturais que debemos conservar porque temos a obriga de facelo. Polo tanto imos investir aí, con ese convenio coa Xunta de Galicia, en conservar estes entornos naturais”.
Dani Vega engadiu que “as praias deben contar con servizos de socorrismo, asistencia sanitaria, limpeza, mellorar as contornas, pero todo baixo unha planificación. E iso foi o que valoraron para que estes entornos teñan a bandeira azul. E tamén hai que felicitar ao Real Club Náutico de Ribadeo, co que o Concello traballa conxuntamente e vamos seguir nesa colaboración porque así é como se deben facer as cousas e así temos estes resultados e por iso temos que seguir nesta liña que, dende a humildade, creo que é a correcta”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
