As burelistas remontaron un 2-0 adverso no segundo tempo, pero terminaron sufrindo a súa segunda derrota ligueira cun gol a pouco máis dun minuto do final
Burela, 18 de maio, 2024. O conxunto feminino do Pescados Rubén Burela caeu no seu último desprazamento da liga regular diante dun Rayo Majadahonda xa descendido. As burelistas conseguiron remontar no segundo tempo un 2-0 adverso, pero as majariegas devolveron as táboas ao electrónico no tramo final e terminaron impoñéndose grazas a un tanto de Pitxi desde o seu propio campo cando Cilene xogaba coa camiseta de porteira-xogadora.
O encontro entre mariñás e majariegas empezou cun lanzamento ao pau de Cami cando corría o segundo 31. A meta local Raquel non interviña pensando que o balón se ía directamente fóra, pero finalmente pegaba na madeira e paseábase por diante da portería madrileña. De novo atoparíanse co pau as Guerreiras Laranxas no minuto 6, cando Raquel desviaba o xusto un remate afastado de Patricia.
Con todo, serían as madrileñas as primeiras en anotar. Facíano no minuto 13 nun balón en longo de Raquel que recibía Coral Águeda tras gañarlle as costas á zaga visitante. A majariega definía con moita calidade ante Ana Eliza e poñía por diante ao seu equipo. Antía, ao bordo do descanso, tivo o empate, pero de novo Raquel facíase grande para evitar o primeiro tanto burelista.
O segundo tempo comezou cun novo tanto do Rayo Majadahonda, nun disparo desde a distancia de María Barcelona que tocaba o xusto nunha xogadora e despistaba a Ester, que nada podía facer para deter o balón. A partir deste 2-0, o Pescados Rubén Burela imprimiulle dúas marchas máis ao partido e as discípulas de Julio Delgado fóronse a pola remontada.
Conseguiríana en primeira instancia grazas a dúas tantos de Irene Samper e a un de Patricia. A yeclana era a que facía o primeiro no minuto 28, nunha gran volea tras un saque de esquina de Antía. Mentres, a zaragozana poñía as táboas no 30 cun remate de calcaño de moita calidade. Repetía Irene Samper no minuto 35 aproveitando un rexeite de Raquel tras un dobrepenalti executado por Emilly, que volvía este sábado ás pistas trala súa lesión na Copa da Raíña.
Cando mellor se lle poñían as cousas ás da Mariña chegaba o empate de María Barcelona nun dobrepenalti no que batía por baixo a Ana Eliza, que substituíra a Ester para tentar deter este lanzamento. A sexta falta laranxa, cometida por Noelia Montoro, fora moi dubidosa.
Julio Delgado decidiu arriscar buscando a vitoria e sacou a Cilene como porteira-xogadora. Irene Samper tivo o terceiro na súa conta particular, que significaría o 3-4, pero o seu remate foise ao pau. Finalmente foron as locais as que sacaron rédito a pouco máis dun minuto do final roubando un balón que Pitxi enviaba ás mallas dunha portería mariñá baleira.
Ficha Técnica Rayo Majadahonda 4-3 Pescados Rubén Burela FS
Rayo Majadahonda (4): Raquel; Marisa, María Barcelona, Pitxi, Coral Águeda -quinteto inicial-, Marta de Diego, Paula Llorente, Peque e Chili.
Pescados Rubén Burela FS (3): Ana Eliza; Cilene, Rafinha, Cami, Dany -quinteto inicial-, Noelia Montoro, Patricia, Irene Samper, Antía, Emilly, Ester (ps) e Cris Blanco.
Goles: 1-0, min. 13: Coral Águeda. 2-0, min. 22: María Barcelona. 2-1, min. 28: Patricia. 2-2, min. 30: Irene Samper. 2-3, min. 35: Irene Samper. 3-3, min. 37: María Barcelona. 4-3, min. 39: Pitxi.
Árbitros: Georgiana Alina e Jorge Moreno (Madrid). Amoestaron ás locais Chili e Coral Águeda, así como ás visitantes Dany e Antía.
Incidencias: Encontro da vixésimo novena xornada disputado no pavillón de La Granadilla. Presenza de afeccionados burelistas nas bancadas que se fixeron sentir cos seus cánticos.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
