O senador defendeu hoxe unha emenda a unha iniciativa do Partido Socialista coa que “os socialistas recoñecen que a provincia está castigada polo Ministerio”, pero que “se queda corta”
Madrid, 21 de maio de 2024. O senador por Lugo, José Manuel Balseiro, afea que “o PSOE lucense se negue a reclamarlle ao Goberno de Sánchez asumir compromisos concretos en materia de infraestruturas para a provincia”; a pesar de recoñecer de forma indirecta a través dunha iniciativa no Senado que a provincia de Lugo “está especialmente castigada polo Ministerio de Transportes y Movilidad Sostenible”.
Balseiro pediu o apoio do PSOE para “convencer ao inquilino da Moncloa” de que “Lugo non merece perder o tren, quedar sen AVE, sufrir as autovías e estradas nacionais peor conservadas de España”. Pero “o representante do PSOE quixo facer ver que Lugo está xogando na Champions en materia de infraestruturas, cando, como lucense, creo que está na rexional”.
“Todos os que percorren a provincia son conscientes dunha realidade indiscutible: o firme da A-6 cheo de baches e case impracticable -na zona da montaña, o carril dereito está invalidado-, as estradas nacionais acumulan queixas de condutores que sofren rebentóns e accidentes a diario e tamén de alcaldes de tódalas cores políticas”, apuntou o senador lucense.
Esta situación débese a que “o Goberno de Pedro Sánchez non fixo nada en materia de conservación do firme e tampouco foi capaz de manter o que deixaron feitos os Gobernos do PP”. Por iso, “urxe un plan extraordinario de rehabilitación de firmes e intensificar os programas de conservación e mantemento de tódalas estradas nacionais”.
ACTUACIÓNS CONCRETAS
O popular entende que o Partido Socialista recoñece coa súa iniciativa a necesidade de “impulsar todas as obras estatais pendentes”, pero “a súa proposta quédase corta” porque “non inclúe nin un só prazo, nin cronograma, nin compromiso concreto para dar resposta ás grandes débedas do Goberno de España coa provincia”.
O PP da un paso máis e concreta proxectos “estratéxicos” para garantir as comunicacións, a competitividade e o desenvolvemento do conxunto da provincia.
Os populares pedían que o PSOE apoiara a súa emenda para que “Lugo deixe de ser a única provincia galega excluída da alta velocidade, a única pola que non circulen os trens AVE ou Avril para o que é necesario recuperar as variantes de Os Peares-Canabal e Rubián previstas polo Goberno do Partido Popular”, ademais de mellorar a liña e o servizo do FEVE, integrar a provincia no Corredor Atlántico de Mercadorías e restablecer servizos e frecuencias eliminados durante a pandemia.
Así mesmo piden concretar actuacións como a finalización da A-54 neste ano, a reconstrución completa dos viadutos do Castro e a rexeneración da A-6 e das estradas nacionais, recuperar os proxectos das autovías A-56, A-74 e A-76 “que son só liñas nun papel pero sen cronogramas con prazos, inversións e previsión plurianual”.
Tamén propoñían dende o PP no Senado desbloquear por parte de entidades dependentes do Estado o Porto Seco de Monforte e implantar a gratuidade na AP-9 “cumprindo o compromiso do candidato del PSOE á presidencia da Xunta, José Ramón Gómez Besteiro”.
Balseiro puntualizou que “a Xunta leva anos conxelando peaxes nas autovías da súa competencia e o Goberno central leva anos subindo as peaxes na AP-9 cada 1 de xaneiro converténdoa nunha das máis caras de España”.
O BNG, AUSENTE
O senador popular afeou a falta de interese do BNG por defender dende o Senado as infraestruturas da provincia: “a pesar de que o señor Arroxo dicía estes días a través dos medios estar preocupado polas infraestruturas de Lugo, hoxe a representante do BNG nin sequera apareceu no debate” da Cámara Alta.
“O BNG demostra con feitos que non defende os intereses dos lucenses”, conclúe Balseiro.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
