O responsable autonómico destaca a experiencia e profesionalidade do persoal da Consellería do Mar e dos centros de investigación galegos como a mellor garantía para atopar solucións ante os desafíos actuais do sector
Santiago de Compostela, 28 de maio de 2024. O conselleiro do Mar, Alfonso Villares, acompañado pola directora xeral de Desenvolvemento Pesqueiro, Marta Villaverde, presidiu a I Mesa de Traballo do Marisqueo na que se busca canalizar e poñer en común o traballo que se está a desenvolver por parte dos técnicos da Consellería e dos seus centros de investigación co obxectivo de aportar solucións eficaces aos retos que presenta a día de hoxe a actividade produtiva. Alí o titular de Mar puxo en valor a experiencia e profesionalidade do persoal autonómico que sinalou como a mellor garantía para concluír con éxito a misión de atopar solucións reais e efectivas ás dificultades polas que atravesa o sector.
No encontro participaron representantes das Direccións Territoriais na Coruña, Celeiro e Vigo, da Dirección Xeral de Desenvolvemento Pesqueiro e dos centros de investigación: Centro Tecnolóxico do Mar (Cetmar), Centro de Investigacións Mariñas (CIMA) e do Instituto Tecnolóxico para o Control do Medio Mariño (Intecmar). A finalidade é reunir a perfís técnicos multidisciplinares con diversos antecedentes, habilidades e experiencias de cara a xerar ideas innovadoras, potenciando deste xeito a xeración de solucións máis eficientes, completas e sustentables.
Durante toda a xornada realizáronse presentacións nas que as diferentes unidades compartiron co resto de asistentes as liñas de traballo que se están a desenvolver, as necesidades detectadas así como o análise desde diferentes perspectivas dos desafíos aos que se enfrontan, configurando unha ampla fotografía global da situación que está a atravesar o marisqueo como base indispensable para abordar adecuadamente todas as dimensións dos problemas da actividade marisqueira.
A primeira reunión da Mesa de Traballo serviu como punto de partida xa que, do análise que se faga en cada un dos departamentos respecto do intercambio de coñecemento e ideas derivado deste primeiro encontro, se establecerán novas dinámicas de traballo ao longo das vindeiras semanas entre os participantes para continuar avanzando na tarefa de atopar propostas ou iniciativas que se poidan materializar como solucións efectivas aos problemas identificados.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
