Ribadeo, 5 de xuño, 2024. Este xoves, 6 de xuño, celebrarase no CFEA Pedro Murias de Ribadeo unha Xornada de portas abertas. Con esta actividade preténdese acadar dous obxectivos; por unha banda amosar aos visitantes a oferta formativa para o curso 2024-2025 na que figuran dous ciclos de grao medio en modalidade de FP DUAL:
-Aproveitamento e Conservación do Medio Natural
-Produción Agroecolóxica
En ambos casos, os alumnos farán prácticas remuneradas en empresas.
Por outra banda tamén quérese dar a coñecer as instalacións do CFEA Pedro Murias para que os alumnos susceptibles de formar parte da nosa comunidade educativa no vindeiro curso poidan tomar contacto con elas.
Xirando ao redor destos dous obxectivos deseñáronse unha serie de actividades que, desde o punto de vista teórico-práctico achegan ao mundo forestal e agroecolóxico.
Rematarase a xornada cunha degustación de produtos con denominacións de calidade de Galicia.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
