A rexedora, Marta Rouco, explicou que se trata dunha iniciativa para “animar a toda a veciñanza” a sumarse á reciclaxe da materia orgánica e ao consecuente coidado do medioambiente
Vilalba, 31 de maio de 2024. O Concello de Vilalba repartirá o vindeiro mércores, día 5 de xuño, bolsas compostables e trípticos informativos da campaña Vilalba Orgánica para conmemorar o Día Mundial do Medioambiente e animar á veciñanza a que se sume á reciclaxe e á correcta separación dos residuos.
“Recentemente vimos de instalar no casco urbano un proxecto de recollida de materia orgánica que supuxo a colocación de 9 colectores marróns para que a veciñanza da zona urbana teña un lugar específico no que depositar os residuos orgánicos” explicou a alcaldesa de Vilalba, Marta Rouco.
Ademais, a rexedora quixo “animar a toda a veciñanza a que se sume a esta iniciativa comezando por separar axeitadamente os residuos nos seus fogares, pois é un pequeno xesto que supón unha gran axuda para o coidado do medioambiente e o correcto tratamento dos refugallos nas plantas de reciclaxe”.
Precisamente nesa liña, para promover que a veciñanza se sume á reciclaxe da materia orgánica, o Concello repartirá o vindeiro mércores, 5 de xuño, a partir das 12.00 na Praza da Constitución, bolsas compostables de xeito totalmente gratuíto.
Estas bolsas, de carácter biodegradable, son un recurso imprescindible para desbotar os residuos nos colectores marróns; como tamén o son as chaves para abrir os colectores que poden recollerse no Punto de Información da Casa do Concello e que os vilalbeses e vilalbesas tamén terán á súa disposición no estand que se instalará o vindeiro 5 de xuño na Praza da Constitución.
Pola súa banda, para dotar da información necesaria á veciñanza, xunto coas bolsas compostables farase entrega dun tríptico informativo da campaña Vilalba Orgánica, no que poderán consultar os residuos que poden e que non poden desbotarse aos colectores marróns, a localización dos mesmos ou o tratamento que se lle dará á materia orgánica unha vez sexa recollida pola empresa responsable.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
