Os burelenses lévanse o primeiro e segundo partido da serie ante o Ceutí con boísimo debut de Charly C. e actuación estelar durante 40 minutos de Michal Kaluza
Burela, 1 de xuño, 2024. Continúa a fase de playoff polo ascenso coas segundas semifinais, ás 12.30h desta mañá no Pavillón Guillermo Molina de Ceuta, o Unión África Ceutí – Pescados Rubén Burela FS, cun resultado final 2-3. Primeira parte moi igualada e sen goles, con moito xogo de balón e ocasións por parte dos dous equipos, o dominio do xogo foi por quendas. Segunda parte tamén parella con goles e ocasións, con máis concentración e momentos de dominio do conxunto laranxa que rematou levando esta semifinal.
Comeza o xogo e pálpase a tensión e presión dunha semifinal de playoff, con moito xogo, moita precaución, pequenos erros e moito ritmo. Aínda que sen goles, numerosas oportunidades por parte de ambos equipos, sobre todo nos últimos 10 minutos, como un lanzamento de Anuar que saca Michal co pé no minuto 17 e outra de Charly no último minuto de xogo que dispara desde fóra da área tras unha boa xogada colectiva, atopándose con Germán Román que a saca a córner. Xogo parello e dominio intermitente do xogo caracterizan a esta primeira parte que acaba 0-0 no marcador.
Na segunda parte comeza atacando o Ceutí cunha primeira intervención de Michal Kaluza, como sempre para quitarse o sombreiro. O xogo continúa parello como na primeira parte, con máis ocasións para o conxunto local nos primeiros minutos de xogo. Tras outra ocasión dos ceutís que parece gol pero que salva Kaluza, Charly C. téntao na portería contraria atopándose cun Rafa López que xoga esta segunda parte. Segundos despois chega o penalti a favor do Burela, con amarela ao porteiro do conxunto ceutí e chega o 0-1 con este disparo de Álex García. No 28 saca a man Rafa López para salvar o que podería ser o segundo dos visitantes a un disparo de Malaguti tras unha boa transición. Presiona o Burela ante un Ceutí descolocado tras o gol. Tras esta acción chega a segunda amarela para Charly, que deixa ao Pescados Rubén en inferioridade. Paradón de Michal no 29 a un disparo dende fóra da área de Abraham e na seguinte xogada chega o empate cun gol de Víctor Arévalo que a coa desde a área nunha boa xogada colectiva. No 31 Rafa López salva un disparo afastado incrible de Ismael, sacándoo a córner. Continúan presionando os de David Rial buscando de novo a vantaxe e nunha contra Mercado que a tira ao pau, chega o 1-2 cun golazo do sempre salvador e capitán do equipo, Lucho, que lla coa a Rafa López cun remate de moitísima calidade. Un minuto despois outro pau do conxunto ceutí entre outras ocasións que se suceden por parte de ambos os rivais e aumenta a tensión ante os últimos 5 minutos de xogo. Varios lanzamentos e situacións perigosas na área do Burela que non chegan a gol sucédense sobre todo a partir do minuto 37 no que Anto decide sacar o porteiro-xogador con Van de Casteele coa elástica negra. Unha primeira ocasión cunha intervención incrible de Kaluza que a saca a córner e chega o empate cun golazo de Sufian que remata desde a área. Tras o 2-2, dobre paradón de Kaluza que está facendo un partido de 12, como sempre. Tras outra ocasión de Ismael que se ve frustrada por Rafa López, falta perigosa a favor dos visitantes nunha man de Anuar que David Rial tenta aproveitar pedindo tempo morto e preparando o xogada pero que se atopa posteriormente coa defensa dos locais. No minuto 37 Anto saca a Van de Casteele como porteiro-xogador conseguindo de novo o empate cun golazo desde a área do capitán Sufian. Continúan presionando os ceutís de 5 pero sáelles caro e chega o 2-3 final no último minuto de xogo cun gol do hoxe, e tantos días, inspiradísimo Michal Kaluza a portería baleira, levando á final ao seu equipo sen ter que enfrontarse a un terceiro partido este martes.
Os mariñáns poderán prepararse durante toda esta semana para a final dos Playoff de Ascenso que comeza o sábado que vén, ante o vencedor da outra semifinal, Antequera ou Colo Colo, que se enfrontarán hoxe ás 18.00 ao seu segundo partido, en Zaragoza.
Ficha Técnica Unión África Ceutí 2-3 Pescados Rubén Burela FS
U.A. Ceutí (2): Germán Román; Víctor Arévalo, Christian Rubio, Anuar, Abraham -cinco inicial-, Dela, Nacho, Dani Fernández, Sufian, Chano, Diego Mercado, Álex García, Van de Casteele, Rafa López. Entrenador: Antonio Fernández “Anto”
Pescados Rubén Burela FS (3): Kaluza; Quelle, Pitero, Isma, Alberto -quinteto inicial-, Lucho, Rikelme, Charly C., Flethes, Álex García, Charly, Ismael, Malaguti, Mika. Entrenador: David Rial.
Goles: 0-1, min.26: Álex García. 1-1, min.29: Víctor Arévalo. 1-2, min.32: Lucho. 2-2, min.38: Sufian. 2-3, min.40: M.Kaluza
Árbitros: Jairo Leiva, David Pizarro, Badar Motie, Radia Demga.
TA: Álex García Ruano, Rafa López, Antonio Fernández “Anto”, Abraham, Sufian, Diego Mercado, David Rial, Charly (AA), Malaguti, Mika.
TR: Charly (AA)
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
