Antonio Ameijide afirma que está “fóra de lugar e de toda ética” que dende administracións pública estean a destinar fondos a empresas das que son accionistas, sobre todo cando a socialistas e nacionalistas se lles escoita presumir “da súa transparencia e honestidade” que, á vista dos feitos, “están máis que cuestionadas”
Lugo, 5 de xuño de 2024. Dende o Grupo Provincial Popular denuncian que o BNG, co visto e prace do PSOE, está a financiar dende a Deputación empresas participadas por altos cargos nacionalistas, como Ana Pontón ou Olalla Rodil.
O voceiro popular, Antonio Ameijide, explica que dende que José Tomé é presidente da Deputación, o goberno provincial pagou 172.817€ á empresa Sermos Galiza, da que Ana Pontón e Olalla Rodil, entre outros cargos nacionalistas, son accionistas.
Ameijide ve “fóra de lugar e de toda ética” que dende institucións públicas nas que gobernan estean a destinar fondos a empresas das que son accionistas. “Sempre escoitamos presumir aos membros do BNG da súa transparencia e honestidade, pero non nos parece ético que destinen fondos a empresas das que son accionistas”, sentenciou.
MUNICIPALISMO DE AMIGUETES
Antonio Ameijide recorda que tanto PSOE como BNG manteñen unha clara liña de “beneficiar unicamente aos seus afíns e amiguetes” tal e como deixan claro cos convenios que asinan.
No primeiro trimestre de 2024 -aprobados en xunta de goberno ou vía decreto- tanto socialistas como nacionalistas destinaron a concellos gobernados por PSOE e BNG preto de 900.000 euros (865.814,72 euros), unha liña que xa seguiron anteriormente, como se certificou en 2023 ano no que destinaron case 15M€ (14,7M€) en 93 convenios -aprobados en xunta de goberno- que tiveron como beneficiarios, practicamente en exclusiva, a Concellos gobernados por PSOE e BNG.
O Plan Deputación non é alleo a esta política de Tomé e os seus socios de goberno do BNG xa que con esta liña de axudas para todos os concellos decidiron beneficiar aos 5 municipios máis grandes con 50.000€ máis para cada un; mentres conxelaron ou reduciron as achegas aos restantes 62.
Antonio Ameijide denuncia que “PSOE e BNG empregan a Deputación de Lugo como a súa chequeira particular, marxinando a máis da metade dos concellos da provincia de Lugo soamente porque os seus veciños decidiron que a mellor opción para dirixir o seu municipio era o Partido Popular”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
