Os populares subliñan que “as propias forzas e corpos de seguridade do Estado advirten que non poden seguir así, atendendo funcións que corresponden ao corpo da Policía Municipal”
Viveiro, 27 de xuño de 2024. A portavoz do PP de Viveiro, Mariña Gueimunde, esixe á alcaldesa explicacións sobre as xestións que levou a cabo nos últimos 4 meses para solucionar o problema da ausencia de axentes na Policía Local e, polo tanto, da falta de cobertura deste servizo e afea que “intente xustificar a súa falta de traballo ao respecto dicindo que ten que cumprir coa taxa de reposición”, cando “é responsabilidade da alcaldesa que a puido ter actualizado cada ano se fora capaz de sacar adiante uns orzamentos municipais”. Ao respecto explica que “teñen pasado incluso 4 anos consecutivos prorrogando as contas” e, polo tanto, “sen actualizar o número de prazas que serían precisas para cubrir este e outros servizos municipais”.
A popular incide na “irresponsabilidade da alcaldesa e do goberno local” que “intentan botar balóns fóra” sobre a súa falta de traballo e de xestión. “A señora Loureiro esquiva o problema real que levou aos efectivos a esta situación e, aínda por riba, encoméndalle a terceiros unha solución cando ela é a máxima responsable do corpo, ademais de que é coñecedora dos conflitos internos. E aínda así non é capaz de facer un seguimento e dubidamos que solicitase apoio a outros corpos de Policía Local dos Concellos veciños para reforzar o servizo en tanto non se aclaren as circunstancias que leven ao restablecemento do servizo”, explica Gueimunde que se pregunta se “ao mellor non quixeron vir os efectivos doutros municipios”.
SOBRECARGA DA POLICÍA NACIONAL
A situación ten provocado as queixas dun sindicato dos efectivos da Policía Nacional que “están cansados de asumir competencias que non lles son propias” durante un período de practicamente 4 meses: “non se trata dun feito puntual”.
Os populares xa advertiran da situación e anunciaran que se dirixirían ao Goberno do Estado a través do Senado para coñecer se o Executivo de Sánchez adoptaría medidas ante a sobrecarga de traballo da Policía Nacional en Viveiro derivada da falta de efectivos na Policía Local pola acumulación de baixas e para explicar se ten reclamado ao goberno municipal unha solución efectiva á situación.
“Se incluso as propias forzas e corpos de seguridade do Estado que estaban apoiando ao Concello nos labores que antes realizaba a Policía Local están advertindo de que non pode seguir así, entendemos que hai que esixir á alcaldesa e ao goberno municipal explicacións sobre as accións que levou a cabo neste tempo: se se reuniu con alguén, se o instrutor xa tomou declaracións, que prazos manexa para a recuperación da normalidade no servizo, como prevé solventar a situación agora que o pobo está cheo de xente e ás portas do verán…”.
SEN SERVIZO E SEN EXPLICACIÓNS
A popular lembra que “Viveiro non dispón dun servizo en condicións en materia de seguridade cidadá”, pero “tampouco se están realizando outras tarefas como as relacionadas coa grúa municipal ou os vaos, un servizo polo que os cidadáns están a pagar, pero que non se está a prestar debidamente”.
Gueimunde apunta que “o Grupo Municipal Popular, o grupo maioritario da corporación local, non sabe en que situación está o tema porque non se nos volveu chamar dende aquela convocatoria urxente da xunta de portavoces no mes de febreiro na que se nos informou dun decreto da alcaldía a través do que ía nomear un instrutor”.
Ante esta situación censura “o ocultismo” e subliña que “o desgoberno, cada vez máis grande, leva á preocupación por parte dos veciños e veciñas”. Gueimunde resume: “nin foi capaz de aclarar o conflito, nin fai seguimento do que lle encarga a outros, nin foi quen de reforzar o servizo con apoios doutros corpos locais. En definitiva; déixase ir e que se resolvan solos os problemas”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
