Ribadeo, 2 de xullo de 2024. Ribadeo seguirá abrindo as portas á inversión. Así o asegura o alcalde, Dani Vega, que fai un balance moi positivo do primeiro ano á fronte do Concello e agradece o traballo do equipo de goberno e dos técnicos e funcionarios municipais.
O rexedor fixo “unha valoración moi positiva desta enquisa que un medio de comunicación encargou e nos trasladou esta fin de semana, que puidemos ler todos e analizar todos. É unha enquisa que nos enche de responsabilidade, porque o pobo de Ribadeo fai unha valoración moi positiva deste ano e desde logo eu o que quero é agradecer, en primeiro lugar, agradecerlle ao pobo de Ribadeo toda esa confianza que nos traslada. Vamos seguir traballando, vamos seguir xestionando orzamento para Ribadeo para facer máis grande o pobo que todos queremos. E tamén lle quero trasladar un agradecemento profundo a todos os membros do goberno que están traballando e están dedicando toda a súa vida a levantar este pobo, a xestionar, a traballar. E é nosa obriga, dende logo é o que temos que facer. E tamén lle quero agradecer a todos os técnicos municipais, aos funcionarios por todo ese traballo que están facendo. Sen ese equipo de persoas é imposible xestionar o día a día municipal. E evidentemente, tamén a Corporación Municipal, aos membros da oposición, cada un desde o seu punto de vista, pero todos queremos a Ribadeo e todos queremos o mellor para a Ribadeo”.
Dani Vega asegurou que “nosoutros vamos seguir traballando. E o que nos traslada esta enquisa, con total responsabilidade, con total humildade, seguir traballando e seguir avanzando todos xuntos. Os problemas que detectan os ribadenses non son os problemas que dependen da xestión do Concello, non temos competencias nesas problemáticas que trasladan os ribadenses como pode ser a vivenda, a sanidade, o paro…”.
O alcalde declarou: “e evidentemente o pobo do Ribadeo valora moi positivamente a limpeza e a recollida do lixo, a atención cidadá e a xestión dos trámites, os servizos sociais, o medio ambiente, o turismo, a escola de música, a cultura… Todos estes servizos que dependen directamente do Concello teñen unha nota moi alta”.
Vega subliñou que “vamos seguir traballando, vamos seguir xestionando orzamento e estamos nos temas que priorizamos, desde logo nós creemos e así tamén o avala esta enquisa, que estamos traballando no máis importante. Evidentemente, o día a día absórvenos total e absolutamente, pero hai que ter unha capacidade de xestión. E tamén traslada esta enquisa unha estabilidade política e unha estabilidade administrativa. Eu sempre, e todo o goberno o dicimos que Ribadeo ten que abrir as portas á inversión e desde que levamos este pequeno espazo de tempo no Concello foi o que fixemos e vamos a seguir facendo abrir as portas á xestión, máis inversión para Ribadeo, traballo, dedicación e estar ao lado de todos os ribadenses. Iso é a obriga, pero tamén a vocación que temos cada un de nós”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
