Ribadeo, 17 de xullo, 2024. Trala celebración de pleno deste martes, O BNG explica que “o goberno municipal de Ribadeo, do PP, non pode entregar por urxencia, unha hora despois de comezar o pleno, un informe impreciso e incompleto, coa pretensión de dar cobertura a gasto desbocado. E tampouco pode apelar sempre aos técnicos e técnicas do Concello para dicir que, se o BNG de Ribadeo critica a acción de goberno do PP, está a faltarlle ao respecto ao persoal do concello”.
“Neste pleno do martes 16 de xullo, asistimos a un espectáculo lamentábel por parte do alcalde de Ribadeo. Ante a necesidade de dar cobertura a un gasto xa moi descontrolado, o goberno municipal intentou introducir unha proposta de transferencia de crédito para habilitar fondos para partidas de gasto xa moi excedidas. Pero o que aínda é máis grave é que, para lograr estes fondos, o alcalde pretenda que o diñeiro orzamentado para mantemento e rehabilitación do pavillón vello (85.000€) sexa destinado a atender gasto desmesurado”.
“Coa súa variña máxica de novo convenio, ou subvención que vai conseguir porque si, argumenta que non hai ningún problema por modificar esta partida de gasto orzamentado. As máis elementais normas de intervención económica a nivel municipal voaron polos aires ante a mirada atónita de todo o mundo. Di o alcalde que pouco importa, porque cando consiga ese convenio, subvención, ou o que for, haberá máis diñeiro para o mantemento e reforma do vello pavillón. Pero o problema é que levamos escoitado non sabemos cantas promesas de convenios (Ribadeo Indiano 23, reforma hospital asilo, Ribadeo Indiano 24…) que nunca se materializan. Vai resultar que, canto máis se desboque o gasto no Concello de Ribadeo, máis van aumentar as promesas de convenios”.
“Tamén neste pleno do martes 16 de xullo acabamos comprobando que a incompetencia e as incongruencias do goberno municipal convértense en cuestións de urxencia, cando non en insinuacións veladas cara aos técnicos e técnicas municipais. Así ocorreu co asunto dunha multa que o Concello de Ribadeo vai ter que pagar por mor do espectáculo pirotécnico das festas patronais do 23. Un goberno serio e responsábel non se limita a enviar aos órganos competentes os informes de anos anteriores sen comprobar se houbo algún cambio nas condicións en que se realizaron as festas en edicións pasadas. O alcalde de Ribadeo manifestou en sesión plenaria que os fogos de artificio do ano 23 foron realizados nun emprazamento distinto ao de anos anteriores. E dese xeito non se cumprían as características detalladas no informe realizado en anos anteriores, informe que o actual goberno enviou á subdelegación do goberno”.
“Como é posíbel que o goberno municipal dera para adiante a un espectáculo pirotécnico sen a preceptiva autorización previa? Porque iso foi o que ocorreu: o espectáculo pirotécnico das festas patronais de 2023 fíxose sen autorización previa. E agora o goberno vai ter que pagar unha multa de 600€ por esa infracción”.
“Lonxe de recoñecer o erro cometido, o alcalde agochouse detrás do traballo dos técnicos e técnicas municipais de maneira ben trapalleira: se o criticamos a el, que se limitou a entregar os informes que lle deron os técnicos e técnicas municipais, estamos atacando o traballo do persoal do concello”.
“Pero quen en verdade fallou foi o propio goberno municipal: no canto de elaborar un novo informe, coas características das celebracións que foSa haber no ano 23, limitáronse a copiar os informes anteriores, que si estaban ben feitos. Proba diso é que o anterior goberno municipal non foi sancionado por algo semellante”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
