No marco da campaña de loita iniciada pola sección sindical da CIG na empresa
Foz, 17 de xullo de 2024. A sección sindical da CIG continuou este mércores co calendario de mobilizacións en Gadis e Cash Ifa en protesta pola abusiva carga de traballo, na defensa dos dereitos laborais e para avanzar na equiparación salarial e social. Desta volta a protesta trasladouse até a Mariña, onde se realizou unha concentración diante do supermercado que Gadis ten na Avda. de Viveiro, no Concello de Foz.
Logo do último proceso de eleccións sindicais na empresa, no que a CIG acadou a maioría no comité, as delegadas e delegados apostaron por iniciar unha campaña de mobilizacións para enfrontar a precariedade laboral derivada, entre outras cuestións, da política de non cobertura de ausencias que practica a empresa. A falta de contratación para cubrir o persoal que está de vacacións ou de baixa provoca que o resto das compañeiras e compañeiros teña que asumir unha carga de traballo insoportábel que acaba repercutíndolles na súa saúde física e mental.
A isto engádense as presións para que as traballadoras acurten o tempo da baixas, a non regularización das categorías laborais ou unhas condicións salariais e sociais máis precarias que as que ten o persoal do sector doutras provincias. Porén, malia os intentos da representación sindical para acadar solucións, as negociacións coa empresa apenas avanzan.
A empresa xera un problema onde había consenso
Aínda peor, denuncia Xosé Paz, da CIG-Servizos de Lugo-A Mariña. “Gadis cancelou a xuntanza co comité programada para o 3 de xullo e iniciou un período de consultas para modificar os cadros de quendas e meter xornadas partidas onde tiña xornadas intensivas”, empeorando así os horarios de traballo e “creando un problema onde non o había, xa que existía consenso en todas as tendas cos cadrantes marcados”.
Para Paz esta é unha manobra da compañía para pór as traballadoras/es en contra do comité e rebentar calquera intento de mellorar as condicións laborais. Diante disto, as delegadas da CIG comezaron unha campaña de recollida de sinaturas entre todo o cadro de persoal de Gadis e Cash Ifa na provincia de Lugo e en apenas unha semana xa recolleron preto de 500 sinaturas das 800 traballadoras e traballadores que ten a empresa na provincia de Lugo.
O comité está a espera agora de que a empresa sinale nova data de xuntanza para facerlle entrega destas sinaturas e reclamarlle que cese no seu intento de modificar os cadrantes a peor.
Avanzar na equiparación de condicións
Con esta campaña de mobilizacións, que tamén se desenvolven en Froiz, a outra empresa que controla xunto con Gadis o convenio colectivo, a CIG tamén pretende impulsar a apertura dunha mesa de negociación para avanzar na equiparación salarial e reducir a fenda que hai entre os soldos que perciben as traballadoras e traballadores de Lugo con respecto ao persoal do comercio de alimentación doutras provincias. Esta era unha demanda que a CIG defendeu na negociación do convenio provincial, frustrada pola “traizón de UGT e USO”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
