Verónica Soto lamenta “a deixadez” do goberno municipal en relación a un servizo turístico que debería ser importante para un pobo coma o noso que recibe moitos visitantes durante o verán
Foz, 24 de xullo de 2024. Os populares de Foz advirten que “case todas as pantallas de ‘A Mariña virtual’ ubicadas na Oficina de Turismo do Cenima están avariadas. Supoñemos que se pode deber á falta de mantemento”, segundo apunta a concelleira Verónica Soto.
Os populares lamentan a “deixadez e falta de preocupación do goberno municipal” que “non se preocupa polo correcto funcionamento dun servizo turístico importante para un pobo coma Foz que se converte nun referente turístico polo verán”. De feito, explican que “viñeron excursións con autobuses cheos de xente e turistas que non puideron usalas porque só funcionan dúas ou, como moito, tres”.
Soto recorda tamén a falta de aparcamento pola “mala xestión do goberno do Concello que ocupa os espazos dos aparcadoiros públicos municipais con material de obra e non se poden empregar para aparcar”. Polo que engade: “todo o relacionado co turismo, en pleno mes de xullo en Foz, falla. Agora tamén falla A Mariña virtual”.
Polo tanto, os populares de Foz urxen ao goberno local a “preocuparse por este servizo” e solicitar a quen corresponda a reparación das pantallas para que os visitantes dispoñan de información; non só de Foz, senón tamén doutros puntos de interese da comarca da Mariña.
Así mesmo, engaden que “é necesario realizar o seu correcto mantemento para que se manteñan en funcionamento, especialmente nas épocas de maior demanda”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
