Ribadeo, 2 de agosto de 2024. Preto de 15.000 persoas pasaron polas oficinas de turismo de Ribadeo e das Catedrais no mes de xullo. Os datos ofreceunos esta mañá a concelleira de Turismo, Marta Saiz.
A edil ribadense contou que “a oficina de turismo da vila abriu durante todos días do mes en horario de mañá e de tarde contabilizando un total de 7.681 viaxeiros. O día de maior afluencia foi o 25 de xullo con 450 persoas O punto de información turística da praia das Catedrais rexistrou un total de 7.227 consultas, sendo o día de maior afluencia o 26 de xullo con 765 persoas. Debemos resaltar que as entradas ao areal esgotáronse a partires do 17 de xullo”.
Saiz tamén se referiu ás procedencias dos turistas chegados a Ribadeo: “no tocante ao turismo de procedencia estatal, Madrid segue a ser o principal emisor cun 1.846 persoas na oficina do centro, o que supón un 30,3%; e no punto de información de As Catedrais 1.98, o 29.15%. Séguena Castela León, Andalucía (converténdose na terceira forza emisora, probablemente porque os viaxeiros/as do sur veñen buscando temperaturas suaves), Galicia, Castela a Mancha e Euskadi, no centro da vila. E Cataluña, Galicia e Comunidade Valenciana no punto de información das Catedrais”.
A concelleira de Turismo contou que “con respecto ao turismo internacional, representa un 10,5% no centro da vila e un 15,7% do total das visitas no punto de información das Catedrais. debido en gran parte á internacionalización deste Monumento Natural, que xunto co Camiño Norte de Santiago e o porto deportivo de Porcillán converten Ribadeo nun destino internacional. Os visitantes estranxeiros chegan procedentes de máis de 35 países diferentes, que encabezan, Francia, Alemaña, Estados Unidos, Bélxica e Holanda”.
Para Marta Saiz “un dos datos máis salientables deste comezo de verán é o das pernoctas en Ribadeo, acadando un total do 32% do total de visitantes. Este dato das pernoctas reforza os informes estatísticos do mes de xuño, durante o que Ribadeo aglutinou o 44% das pernoctas de toda a Mariña (un total de 8.094 hospedes dos que o 32,30 foi turismo internacional).
A edil agradeceu “o traballo do persoal das oficinas de turismo e praias así como ao sector privado polo esforzo que leva realizando dende comezos da temporada estival, pois entre todos e todas contribuímos a acadar un destino turístico de vangarda”.
Actividades polo verán
Saiz subliñou que “un ano máis, Ribadeo fai unha fortísima aposta polo turismo de calidade, organizando 12 percorridos guiados a través dos que se pode descubrir o seu importante patrimonio natural e cultural, 3 vistas teatralizadas, 3roteiro guiados e interpretados para gozar do fascinante patrimonio cultural presente en cada recuncho da vila e tamén do interior do Concello, 2 visitas guiadas a espazos de interese históricos (O Santuario de Nosa Señora das Virtudes e o Forte de San Damián); e por último as xa coñecidas XeoRutas. Catro itinerarios xeolóxicos para ter unha ampla visión deste importante patrimonio xeolóxico presente ao longo de todo o litoral, que vai dende o conxunto de arcos rochosos máis importantes da península ata a maior estrutura xeolóxica da mariña lucense”.
A concelleira de Turismo e Comercio dixo que “apoiando estas iniciativa que emanan do sector público, atópanse unha ampla gama de empresas de turismo activo que ofrecen experiencias diferentes e múltiples en contacto coa natureza. Esta oferta cultural súmase a unha serie de proxectos e eventos que o Concello vén desenvolvendo nos últimos meses e que converten Ribadeo nun lugar para gozar dunha estancia que asegura unha tranquilidade dinámica e diversa indicada para todas as franxas de idade e tamén coherente cos obxectivos que se veñen perseguindo nestes últimos anos, a calidade e a excelencia turística”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
