Foz, 2 de agosto de 2024. O alcalde de Foz, Fran Cajoto, informa que desde hoxe, venres 2 de agosto, as nenas e nenos do concello poden disfrutar de novo do parque infantil da rúa Julia Minguillón despois da reforma integral realizada.
O alcalde recorda que este parque “foi aberto no ano 2009 polo alcalde Pepe Rivera. Quince anos despois, grazas ao financiamento da Deputación de Lugo, a área infantil de xogos foi completamente renovada, con pavimento continuo de caucho e nove xogos distintos entre os que se inclúen dúas estruturas con tobogán e plataformas, dúas estruturas de columpios e dous balancíns. Foron 63.000 euros de inversión dentro dun proxecto de 120.000 euros que inclúe a renovación dos parques infantís de Cu do Castro, na praia de Llas, e do parque de Marzán, no que comezaremos a traballar o próximo luns e que permanecerá pechado durante a execución das obras”.
Fran Cajoto explica que “esta actuación enmárcase dentro dun plan de renovación de parques infantís que comezamos no Paseo de Colón, a carón da Rapadoira, e no parque da rúa Uxío Novoneira, no que se construíron as dúas primeiras pistas de petanca da Mariña -que están a ter un gran éxito- e que se acaba de ampliar con dúas pistas adicionais”.
O alcalde e o concelleiro de parques e xardíns, Ángel Fernández Neira, anuncian ademais unha próxima actuación para o acondicionamento do conxunto do espazo do parque de Julia Minguillón. “Renováronse as antigas fotos de Foz deste parque grazas ao traballo tamén de Xesús de Breogán e de Chema Linares. Despois da renovación completa do parque infantil, cómpre substituír as pasarelas deterioradas do xardín, unha mellora no espazo cardio-saudable do parque e o pintado da pérgola e dos valados. En próximas datas executaremos estes traballos”, rematan.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
