Ribadeo, 5 de agosto de 2024. O Concello cancelará o crédito bancario solicitado no seu día para facer fronte á reforma do hospital asilo. Será grazas a concesión da axuda de 700.000 euros por parte da Xunta de Galicia para este fin. O equipo de goberno realiza xestións para dotar de equipamento á devandita instalación.
O alcalde, Dani Vega, dixo que “estamos a falar de 700.000 euros para a residencia hospital asilo. Anunciábao a Xunta de Galicia que hoxe vai ao Consello da Xunta ese convenio excepcional con Ribadeo para garantir a obra da residencia hospital asilo entre a Xunta con eses 700.000 euros e o doutor Moreda cos 800.000 euros, garántenos esa tranquilidade orzamentaria para o hospital asilo”.
O rexedor anunciou que “vamos liberar esa carga dun préstamo ao Concello, dado que o anterior goberno sacou un crédito, nós o que vamos facer é eliminalo con esa xestión dese convenio excepcional. Unha xestión ben realizada, porque garantimos unha obra moi importante para o Concello de Ribadeo, é dicir seguir incrementando prazas para todas as persoas que teñen que vir para as residencias. Non nos chega coa que hai, por iso vamos ter 2 e con iso practicamente teremos 80 prazas”.
Vega cre que “é importante e fundamental seguir investindo no benestar social das persoas. Esta xestión, que é unha das primeiras xestións, porque vamos seguir traballando, vamos seguir xestionando xa que aínda nos queda moito, é verdade que fixemos unha xestión boa e fundamental para garantir as obras que teñen dezaoito meses de execución, pero agora quédanos outra segunda parte, estamos a falar do equipamento que xa estamos traballando, xa estamos xestionando orzamento e iso é o que deben facer os gobernos serios dedicarse á xestión para que os concellos sigan medrando e neste caso traballar de forma seria, guiándonos por criterios técnicos”.
Para o alcalde ribadense “non hai que despistarse nin facer caso a ese ruído tóxico, nosoutros o que queremos é mellorar a residencia hospital asilo con esa reforma integral, con orzamento entre a filantropía do doutor Moreda e o convenio excepcional da Xunta de Galicia. Polo tanto, seguimos marcándonos un guión que é xestión, traballo e dedicación para que siga crecendo e prosperando Ribadeo”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
