Disque foi o grande Confucio quen dixo que os sabios ollaban cara á lúa, mentres os parvos ollaban cara ao dedo. Teño para min que, canda os sabios, ollan a lúa tamén os bos e xenerosos, mentres que canda os parvos se xuntan, tamén os ignorantes, férridos e duros, que xa describiu Pondal no poema que lle da a letra ao noso Himno Nacional.
A lúa é a orde de detención acordada polo Supremo a respecto do president Puigdemont, porque a mesma é inconstitucional por un duplo motivo: porque a chamada malversación impropia na que o suposto desvío de recursos públicos para finalidades non reguladas ou mesmo ilegais non tende ao arrequecimento persoal ou de terceiras persoas está inserida no perímetro da amnistía vixente dende o 11 de xuño último e porque todas as medidas cautelares (prendemento, prisión preventiva, fianzas e embargos preventivos, restricións á mobilidade persoal…), acordadas nos procedementos penais que se refiran a delictos inseridos no devandito perímetro da amnistía, han ser deixadas sen efecto ningún por cadanseus órganos xudiciais competentes.
Xa que logo, como acaídamente ten afirmado o noso Suso de Toro, é rechamante a unanimidade do Madrid mediático (quer de dereitas, quer progre) en ollar ao dedo, considerando Puigdemont quen incumpre a ilegalidade, quen se bota fóra do consenso social, quen constitúe o problema. Deste xeito explícase a desaquelada “Operación Gaiola” desenvolvida polos Mossos d´Esquedra, consumindo recursos públicos que haberían ser investidos noutras fins máis urxentes e importantes e na que se chegou disolver un grupo de pacíficas persoas con gas pementa, xusto diante da sede parlamentaria da representación nacional de Catalunya.
Tamén observa Suso de Toro o dominio do territorio que amosaron o president Puigdemont e a súa equipa de colaboradores, que contou ademais coa axuda de moi variadas persoas de moi diversas extraccións sociais e mesmo funcionariais. Case 72 horas botou Puigdemont na Catalunya, na propia Barcelona e noutros lugares do País sen o prender.
Poderíaseme retrucar que o importante é que Illa foi investido, que axiña operará un novo Govern catalá do PSC que conta co apoio de ERC, das esquerdas españolas e do poder económico do upper Diagonal barcelonés e que, deste xeito, o aparente trunfo político no curto prazo do político xironés, ficará esvaído diante da fin do procès e do comezo da normalización política catalá. Mais non hai tal.
Non hai tal porque a falla de efectividade da amnistía amosa a persistencia do ciclo anormal de represión xudicial que o lexislador pretendeu (e polo de agora non acadou) resolver coa amnistía. Este feito, canda a implosión de ERC e a extrema dificultade intrínseca de que se implemente a singularidade fiscal catalá, determina que Catalunya continúa lonxe da normalidade política.
E, nestas circunstancias, a vitoria política de Puigdemont o 8-A coordina JuntsxCat canda o labor da ANC e demáis entidades sociais soberanistas, afirma o seu liderado como único referente do independentismo (diante da implosión da ERC e a falla de utilidade da CUP) e, xa que logo, ofrécelle ás persoas náufragas da ERC e a centos de milleiros das abstencionistas do 12-M unha plataforma política. Cando menos até que se acade a plena aplicación da amnistía. E despois xa Deus dirá.
Verémolo, sen dúbida ningunha, na vindeira Diada do 11-S e nas vindeiras enquisas.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
