Mariña Gueimunde: “Non dicimos que a pista de skate e a obra no parque Pernas Peón non sexan necesarias, pero a realidade é que hai actuacións básicas de mantemento dos espazos públicos moito máis urxentes e que non se atenden”
Viveiro, 22 de agosto de 2024. O PP de Viveiro esixe ao goberno local “un mantemento mínimo” do municipio, comezando por aspectos tan básicos como o coidado das zonas públicas e o seu mobiliario, as zonas verdes ou os parques infantís.
A voceira popular, Mariña Gueimunde, pon sobre a mesa o mal estado, por exemplo, do barrio da Atalaia, en Celeiro, “onde é necesario que o goberno local se dea unha volta para ver o seu estado de abandono”.
Un exemplo moi gráfico é unha das escaleiras que hai no barrio. Está completamente deteriorada, coas varandas metálicas retorcidas, desencaixadas e inutilizadas e con indicios de non prestarlle atención en moito tempo, sucias, con excrementos e malas herbas e con grandes pedras desprendidas do seu asento “pero non se acota por seguridade, supoñendo un risco para calquera cidadán que a poida empregar”.
Nesta zona do municipio tamén é necesario o mantemento do parque infantil, repoñendo os elementos de xogo que faltan ou que están danados, así como renovar o mobiliario estropeado e o coidado das zonas verdes.
“O goberno local comprometeuse no pleno a facelo, pero os meses pasaron e nada fixeron, demostrando que a súa palabra non vale nada”, lamentou Gueimunde.
O goberno local debería priorizar os recursos dos que dispón e “en lugar de destinalos ao mantemento mínimo e básico do municipio, destínaos a outros menesteres que non cubren as necesidades básicas dos veciños e veciñas do noso concello”.
A voceira popular refírese, por exemplo, á pista de skate ou ás obras do parque Pernas Péon, obras que rondan entre as dúas os 250.000 euros e que ben poderían aprazarse no tempo para atender primeiro o entorno e edificio do parque ou calquera das instalacións deportivas municipais que necesitan de inversións. “Non dicimos que non haxa que realizar esas actuacións, pero seguro que non son tan prioritarias como outras moitas que levan meses agardando”, sinalou.
No referente á reforma do parque Pernas Peón dende o PP de Viveiro recordan que no pleno deste mes xa defendemos unha iniciativa para impulsar a rehabilitación do edificio municipal do parque Pernas Peón e o trazado da vía que discorre paralela á praia de Covas “dúas actuacións prioritarias” dado o abandono do edificio e o mal estado do firme da carretera. “O máis lóxico é empregar os cartos da subvención concedida pola Xunta de Galicia a través do plan de embelecemento do litoral (105.897,25 euros) no patrimonio do concello que se está deteriorando, antes de acometer novos proxectos”, di Gueimunde.
O parque Pernas Peón é unha das paraxes naturais máis características e populares de Viveiro e que dispón dun edificio municipal pero que “na actualidade atópase en estado de semiabandono desde que os últimos adxudicatarios cesasen na súa actividade” e “sen visos de novos proxectos de goberno que puxesen en valor o potencial da edificación, sen pregos de contratación, investimentos ou obras de reparación, adecuación e conservación á vista”.
En canto á pista de skate, “seguramente unha boa idea para o municipio”, pero non é menos certo que “existen outras prioridades máis urxentes no municipio”.
“O que ten que facer a señora Loureiro é tomar as rendas do goberno e concretar coa tenencia o verdadeiramente importante para o benestar dos viveirenses e para o futuro do noso concello. Non pode ser que tódalas parroquias e barrios do Concello se sintan abandonadas, como os veciños e veciñas da Atalaia en Celeiro, mentres as gobernantas cravan unha punta e véndeno como si fixeran unha autovía”, conclúe.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
