A Consellería do Mar remitiu á Comisión un escrito no que se recollen aportacións no proceso de consulta pública do proceso de revisión da PPC en liña co acordado por unanimidade no Consello Galego de Pesca do ano 2022
Santiago de Compostela, 11 de setembro de 2024. O conselleiro do Mar, Alfonso Villares, mantivo un encontro de traballo coa presidente da Comisión de Pesca do Parlamento Europeo, Carmen Crespo, no que reclamou un maior protagonismo de Galicia, como principal rexión pesqueira de Europa, no deseño e desenvolvemento da política pesqueira comunitaria. Nesta liña, puxo en valor a experiencia acumulada da administración autonómica e o modelo de xestión galego baseado na cogobernanza co propio sector como fórmula de éxito.
O titular de Mar trasladou á tamén eurodiputada española as principais demandas do sector pesqueiro galego como a reforma da Política Pesqueira Común (PPC), unha mellor xestión das posibilidades de pesca nos caladoiros comunitarios baseados nos mellores informes científicos ou medidas que permitan atallar a competencia desleal de terceiros países e que permitan avanzar no level playing field. Así, manifestou que a frota galega é referente internacional en boas prácticas e sustentabilidade polo que puxo de manifesto a importancia de que a lexislación non permita a entrada no mercado europeo de produtos doutros Estados con lexislacións moito máis laxas no que respecto ao medio ambiente.
Outro dos asuntos que estivo enriba da mesa foi o veto da Comisión Europea á pesca de fondo en 87 zonas de augas comunitarias e que foi recorrido pola Organización de Produtores Pesqueiros de Burela en conxunto con 16 compañías afectadas. Un proceso no que a Xunta participa como coadxuvante da parte demandante polo impacto negativo desta decisión que afecta directamente a 200 embarcacións e indirectamente a outras 946 de artes menores. O conselleiro reiterou que este asunto deixa en evidencia a necesidade de que a actuación da Comisión no ámbito pesqueiro debe de ser equilibrada e ponderar factores económicos e sociais ademais do ambiental.
Comisario de Pesca
A presidenta da Comisión de Pesca do Parlamento Europeo, Carmen Crespo, puxo en valor o anuncio da presidenta do Executivo comunitario, Úrsula von der Leyen, de crear unha carteira propia de Pesca o que entende que marca un novo ciclo para a pesca europea. Deste xeito, sinalou a importancia que ten a pesca na diversificación das economías costeiras e a necesidade de dar un xiro á política pesqueira da Unión dos últimos anos para que tamén responda aos factores socioeconómicos e non só ao ambiental. Algo que agarda trasladar á persoa designada para ocupar esta responsabilidade nas vindeiras semanas cando se someta ao procedemento de idoneidade na Comisión de Pesca da Eurocámara.
Alfonso Villares compartiu a valoración de Crespo, a quen situou como nova aliada da pesca galega en Bruxelas, e destacou que esa nova composición da Comisión brindará maiores posibilidades de artellar solucións especificas e eficaces aos desafíos aos que se enfronta a industria pesqueira. Tamén recordou que era algo moi demandado polo propia cadea mar-industria e que deixa de manifesto a importancia estratéxica deste sector primario, tanto no ámbito económico como instrumento para acadar a necesaria soberanía alimentaria de Europa.
Propostas galegas
O conselleiro do Mar compartiu coa representante comunitaria as propostas galegas no ámbito pesqueiro e que foron remitidas nas últimas semanas a Bruxelas en dous documentos. Por un lado, na resposta á Comunicación da Comisión Europea sobre Pesca Sostible remitida en xuño ao Parlamento Europeo e ao Consello e recentemente na resposta á consulta pública para a avaliación da PPC.
En ambos escritos o Goberno galego volveu a reivindicar a folla de ruta alcanzada por consenso no Consello Galego de Pesca do 2022 en cuxa elaboración participou o conxunto da cadea mar-industria. Un acordo que recolle a posición de Galicia en aspectos esenciais como a remuda xeracional, a sustentabilidade, a igualdade de condicións no seu desenvolvemento así como a adaptación ao cambio climático e a cogobernanza global.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
