As dúas capitás, Silvia e Cristina, e Sofía xa xogaron no primeiro equipo do club mariñano en Primeira División, Cristina durante a pasada tempada 23/24
Burela, 12 de septembro, 2024. Silvia Rubal, Cristina Blanco, Risiana e Sofía, catro das xogadoras fundamentais do equipo filial do Pescados Rubén Burela FS, continuarán formando parte dun conxunto que se está consolidando de forma moi positiva baixo as directrices de Jairo Campo, que ademais tamén é coordinador da base feminina e adestrador do equipo xuvenil feminino do club laranxa. As catro xogadoras formaron parte do Pescados Rubén Burela “B” desde os seus inicios na pasada tempada 23/24, logrando empezar a conformar o seu palmarés no seu primeiro ano como equipo levándose a Copa Deputación e logrando o ascenso a Preferente Futgal. Todo un exemplo de bo facer, traballo e sacrificio durante unha longa e dura tempada.
Silvia Rubal (Burela, 1995), xogadora canteirá do club que xa xogou no primeiro equipo da tempada 2010 á 2014, fichando polo Diamante Rioja (tamén de 1ª División) na 2014/2015 que volve a Burela ata 2017, ano no que viaxa a Italia no que xoga en catro equipos, un por tempada, ata 2022. Comezando en segunda división no FiberPasta Chiaravalle, o Manfredonia 2000 e Dorica Torrette e rematando en primeira categoría no Città dei Falconara e no Calcio Padova. Para a tempada 22/23 volve a Galicia fichando polo FSF Castro e marchándose ao Villalba no mercado de inverno. Na 23/24 volve a Burela para ser adestradora de varios equipos da base, así como xogadora e primeira capitá do filial, o Pescados Rubén Burela FS “B”, que tamén axuda a crear, onde continuará xogando nesta 24/25 e adestrando ao equipo alevín feminino do club.
Cristina Blanco (Burela, 2001), tamén canteirá do club laranxa, xogadora e segunda capitá do Pescados Rubén Burela FS “B” así coma habitual no primeiro equipo durante a tempada pasada, sendo campioa de Supercopa e liga, tamén continuará sendo xogadora do filial nesta tempada 24/25 e como adestradora do equipo benjamín feminino.
Risiana (Cabo Verde, 2000), xogou anteriormente no equipo filial do club burelense, desde o 2014 ata o 2020, pasando tamén polo Villalba FS na tempada 2020-2021. O á-pivote continuará xogando no Pescados Rubén Burela FS “B” na tempada 24/25.
Sofía (Ribadeo, 2001), xogadora universal que se incorpora ao equipo filial do Burela tamén na pasada tempada, xa xogara tanto no primeiro equipo do Pescados Rubén Burela FS, ás ordes de Julio Delgado, como no filial do mesmo equipo, durante as tempadas 2016/2017 e 2017/2018. Nas 2019-2020 e 2020/2021 ficha polo Comarcal A Fervenza FSF e na 2021-2022 polo Rodiles Sport ata a súa volta ao Pescados Rubén Burela “B” onde continuará esta próxima tempada.
Moi contentos dende o club de poder contar coa experiencia destas catro xogadoras que xa conseguiron grandes logros na pasada tempada e esperamos continúen medrando e creando equipo.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
