A Xunta de Goberno de hoxe deu luz verde a unha colaboración coa Asociación Penitenciaria Concepción Arenal de 23.900€ para desenvolver o proxecto Entre a pel e a cultura: programa de intervención afectivo-sexual, unha iniciativa dirixida a persoas que se atopan cumprindo penas privativas de liberdade nos centros penitenciarios de Bonxe e Monterroso
Lugo, 13 de setembro de 2024. A Xunta de Goberno da Deputación de Lugo aprobou este venres novos investimentos por un importe conxunto de 30.000€ para que as entidades asociativas e os concellos da provincia poidan desenvolver proxectos e actuacións que beneficien á veciñanza. Así o informou a Voceira Socialista do Goberno, Pilar García Porto, na rolda de prensa que tivo que lugar na Sala de Xuntas da institución provincial.
García Porto concretou que “acordamos destinar á Asociación Penitenciaria Concepción Arenal unha achega económica de 23.900€ para desenvolver o proxecto Entre a pel e a cultura: programa de intervención afectivo-sexual. Unha iniciativa que vai dirixida a persoas que se atopan cumprindo penas privativas de liberdade nos centros penitenciarios de Bonxe e Monterroso”.
Esta programación aborda a perspectiva afectivo-sexual das relacións de parella e trata coas persoas participantes cuestións como a desinformación, as carencias afectivas, a falta de autoestima, a instrumentalización das relacións sexuais ou os estereotipos que se atopan neste eido, entre outros aspectos. Trátase dunha programación personalizada que se desenvolve a través dun amplo equipo profesional composto por unha psicóloga forense, unha criminóloga e unha traballadora social -entre outros especialistas- e que realizan unha intervención individualizada, familiar, grupal e de xeito flexible.
O proxecto inclúe un taller de educación afectivo-sexual que se desenvolve durante 20 sesións grupais, actividades de mediación e terapia de parella e un servizo de desprazamento aos centros penais para favorecer a execución do programa.
Na súa intervención, a Deputada lembrou que “o obxectivo principal desta iniciativa é abordar cos internos e internas coñecementos relacionados coa sexualidade e a afectividade; a prevención de embarazos non desexados; ou a importancia de protexerse contra enfermidades de transmisión sexual”.
“A formación, que se basea atendendo ós valores de respecto mutuo e autonomía persoal, non só aborda cuestións ligadas á saúde sexual, senón que tamén contribúe a derribar os estereotipos de xénero. Por iso, dende a institución provincial queremos impulsar esta iniciativa que promove a educación afectiva e sexual dentro dos centros penitenciarios, ao tempo que favorece a futura reinserción social das persoas participantes”, destacou García Porto.
Por outra banda, na reunión celebrada esta mañá a institución provincial tamén aprobou o convenio de colaboración co Concello de Sarria que permitiu desenvolver a XVII edición das Xornadas Xurídicas que teñen lugar neste municipio. A institución provincial realizou unha achega económica de 5.000€ e tamén retransmitiu en directo as distintas conferencias a través do Servizo de Audiovisuais da Deputación de Lugo. García Porto avanzou que “este acordo que vimos de aprobar e para o cal o Concello de Sarria achega case 13.000€ permitiu cofinanciar os servizos de aloxamento dos participantes, os gastos de transporte ou os traballos de deseño, impresión e publicidade, entre outras cuestións”.
Granxa Gayoso Castro
A Voceira Socialista do Goberno tamén informou que a Deputación de Lugo aprobou nesta Xunta de Goberno a licitación dun contrato de subministración de material de cama para o gando da Granxa Gayoso Castro. O orzamento é de 31.900€ e terá unha duración dun ano coa posibilidade de prorrogalo durante un ano máis.
Remanentes do Concello de Foz
Outro dos asuntos que saíu adiante na Xunta de Goberno foi a solicitude do concello de Foz para investir 20.352,87€ dun convenio entre a institución provincial e este municipio que servirá para completar a mellora dos parques situados en Marzán en na Rúa Xulia Minguillón. Tras a reforma integral destes espazos “procederase ao acondicionamento do pavimento, á instalación de bancos e elementos biosaudables, e a correspondente iluminación. Esta actuación, que beneficiará a toda a veciñanza focense, enmárcanse dentro do plan de renovación de parques infantís que está a impulsar o goberno local, comentou a Deputada.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
